మోహన్ లాల్ అనర్హుడు: ప్రకాష్ రాజ్‌తో సహా 107 మంది సీఎంకు ఫిర్యాదు!

కారణం ఏమిటి?

మోహన్ లాల్ మీద ఈ ఫిర్యాదు చేయడానికి కారణం మలయాళ నటుడు దిలీప్ వ్యవహారమే అని తెలుస్తోంది. మలయాళ మూవీ ఆర్టిస్ట్ అసోసియేషన్(అమ్మ) అధ్యక్షుడి హోదాలో ఉన్న మోహన్ లాల్.... ఓ నటికి సంబంధించిన కేసులో నిందితుడుగా ఉన్న నటుడు దిలీప్‌ను మళ్లీ తిరిగి ‘అమ్మ'లోకి తీసుకోవడం వివాదాస్పదమైన సంగతి తెలిసిందే.

సీఎంకు లేఖ

ఈ మేరకు 107 మంది సభ్యులు కేరళ ముఖ్యమంత్రి పినరాయి విజయన్, సాంస్కృతిక శాఖ మంత్రి ఎకె.బాలన్‌కు లేఖ రాశారు. లేఖ రాసిన వారిలో అవార్డ్ విన్నింగ్ యాక్టర్ ప్రకాష్ రాజ్, ప్రముఖ రచయిత ఎన్.ఎస్.మాధవన్, సేతు, సచ్చిదానందన్, రీమా కలింగల్, గీతూ మోహన్ దాస్ తదితరులు ఉన్నారు.

డబ్ల్యుసిని నుండి ఇప్పటికే ఒత్తిడి

దిలీప్‌ను ‘అమ్మ'లోకి తీసుకున్న నేపథ్యంలో మోహన్ లాల్ వ్యవహారాన్ని వ్యతిరేకిస్తూ ఇప్పటికే పలువురు నటీమణులు ‘అమ్మ' నుండి తప్పుకున్నారు. ‘ఉమెన్ ఇన్ కలెక్టివ్ సినిమా'(డబ్ల్యుసిసి) పేరుతో సపరేట్ వింగ్ ఏర్పాటు చేసుకున్నారు.

మలయాళ పరిశ్రమలో ఊహించని పరిణామాలు

మలయాళ పరిశ్రమలో రోజు రోజుకు ఊహించని పరిణామాలు చోటు చేసుకుంటున్నాయి. దిలీప్ వ్యవహారంలో ఇండస్ట్రీ రెండు వర్గాలుగా చీలిపోయిందనే వాదన సైతం వినిపిస్తోంది. మున్ముందు ఎలాంటి పరిణామాలు చోటు చేసుకుంటాయో చూడాలి.