సినీ తారలైతే ఏంటి? తప్పుచేస్తే జైలే..(ఫోటో పీచర్)

సల్మాన్ ఖాన్

బాలీవుడ్ మోస్ట్ పవర్ ఫుల్ స్టార్స్ లో సల్మాన్ ఒకరు. అప్పట్లో జింకలను వేటాడిన కేసులో సల్మాన్ కొన్ని రోజులు జైల్లో ఉండాల్సి వచ్చింది. మరోసారి ఫుట్ పాత్‌పై నిద్రిస్తున్న వారిపై వాహనం నడిపి జైలు గడపతొక్కాడు.

సంజయ్ దత్

బాలీవుడ్ నటుడు సంజయ్ దత్ 1993 ముంబై బాంబు పేలుళ్ల కేసులో అక్రమ ఆయుధాలు కలిగి ఉన్నారనే ఆరోపణలపై ఐదేళ్ల జైలు శిక్షకు గురయ్యాడు. ప్రస్తుతం జైలు శిక్ష అనుభవిస్తున్నాడు.

సైఫ్ అలీ ఖాన్

నటుడు సైఫ్ అలీ ఖాన్ ముంబైలోని తాజ్ హోటల్ లో ఓ వ్యక్తిపై దాడి చేసిన కేసులో అరెస్టయ్యారు. కొన్ని గంటలు జైల్లో గడిపి అనంతరం బెయిల్ పై విడుదలయ్యారు.

షైనా ఆహుజా

మరో బాలీవుడ్ నటుడు షైనీ ఆహుజా పని మనిషిని రేప్ చేసిన కేసులో మూడు నెలల జైలు శిక్ష అనుభవించాడు. ఆ తర్వాత ఆమె కేసు విత్ డ్రా చేసుకోవడంతో విడుదలయ్యారు.

మోనికా బేడీ

అండర్ వరల్డ్ డాన్ అబూ సలెం గర్ల్ ఫ్రెండ్ మోనికా బేడీ పాస్ పోర్ట్ ఫోర్జరీ కేసులో జైలు కెళ్లారు. ఆ తర్వాత బెయిల్ పై విడుదలవడంతో పాటు బిగ్ బాస్ రియాల్టీ షోలో పాల్గొంటున్నారు.

మధుర్ బండర్కార్

మూడు సార్లు జాతీయ అవార్డు గెలుచుకున్న దర్శకుడు మధుర్ బండార్కర్ 2006లో రేప్ ఆరోపణలతో అరెస్ట్ అయ్యారు. సినిమా అవకాశాలు ఇస్తానని చెప్పి తనను లైంగికంగా అనుభవించాడని ప్రతి జైన్ ఆయనపై కోర్టు కెక్కింది. అయితే ఆరోపణలు రుజువు కాక పోవడంతో అతనికి ఈ కేసు నుంచి ఉపశమనం లభించింది.

మధుబాల

పాత తరం బాలీవుడ్ నటి మధు బాల కూడా జైలు గడప తొక్కారు. దర్శకుడు బిఆర్. చోప్రా నుంచి అడ్వాన్స్ తీసుకుని కూడా నటించడానికి నిరాకరించడంతో జైలు కెళ్లాల్సి వచ్చింది.

జాన్ అబ్రహం

బైకు రైడింగ్ అంటే తెగ మోజు పడే బాలీవుడ్ నటుడు జాన్ అబ్రహం...అతి వేగంగా తన స్పోర్ట్స్ బైక్ నడుపుతూ ఇద్దరిని గాయ పరిచారు. ఈ కేసులో జాన్ 15రోజులు జైల్లో గడిపాడు.

ఫరీద్ ఖాన్

మరో బాలీవుడ్ నటుడు పరీద్ ఖాన్ కొకైన్ తీసుకున్న కేసులో 2001లో ఆయన్ని అరెస్ట్ చేసారు.

రవితేజ సోదరులు భరత్, రఘు

తెలుగు స్టార్ హీరో రవితేజ సోదరులు, తెలుగు సినిమా నటులైన భరత్, రఘు అప్పట్లో డ్రగ్స్ కేసులో అరెస్టయ్యారు. ఇటీవల భరత్ తప్ప తాగి రోడ్డుపై న్యూసెన్స్ సృష్టించిన కేసులో అరెస్టయ్యారు.