ఆనందోత్సవం : మహేష్ తన తండ్రితో...ఫ్యామిలీతో భోజనం (ఫొటోలు)

దర్శకుడు మాట్లాడుతూ....

''సీతమ్మ వాకిట్లో సిరిమల్లె చెట్టు' తరవాత మళ్లీ మహేష్‌తో ఓ సినిమా చేయడం ఆనందంగా ఉంది.

అదే కాన్సెప్టు...

'నలుగురు ఉన్న చోట ఓ అందం, ఆనందం ఉంటాయి. అలాంటి అనేకమంది ఒక కుటుంబంలో ఉండి ప్రతి సందర్భాన్ని ఓ ఉత్సవంలా జరుపుకొంటే అదే బ్రహ్మోత్సవం. అలాంటి వాతావరణం మా సినిమాలోనూ కనిపిస్తుంది''అన్నారు.

నిర్మాత మాట్లాడుతూ..

''మా సంస్థ నుంచి వస్తోన్న మరో ప్రతిష్ఠాత్మక చిత్రమిది. జులై 10 నుంచి చిత్రీకరణ ప్రారంభిస్తాం. వచ్చే ఏడాది జనవరి 8న విడుదల చేయడానికి సన్నాహాలు చేస్తున్నామ''ని నిర్మాతలు చెప్పారు.

ఎవరెవరు

సత్యరాజ్‌, జయసుధ, రావు రమేష్‌, ప్రకాష్‌రాజ్‌, తనికెళ్ల భరణి తదితరులు నటిస్తున్నారు. ఛాయాగ్రహణం: ఆర్‌.రత్నవేలు, సంగీతం: మిక్కీ జె.మేయర్‌, కూర్పు: శ్రీకర ప్రసాద్‌, కళ: తోట తరణి

శ్రీమంతుడు కూడా..

ఆదివారం కృష్ణ జన్మదినం సందర్భంగా మహేష్‌బాబు నటించిన 'శ్రీమంతుడు' టీజర్‌ కూడా విడుదలైంది. కొరటాల శివ దర్శకత్వం వహిస్తున్న ఈ చిత్రంలో శ్రుతిహాసన్‌ కథానాయిక.

డైలాగు బాగుంది

''నా పేరు హర్ష. నా దగ్గర లేనిది లేదంటుంటారు. కానీ నాకు కావల్సింది ఇంకేదో ఉంది. దాని కోసం ఎంత దూరమైనా వెళ్లాలనిపిస్తుంటుంది. దత్తత తీసుకోవడమంటే జేబులో డబ్బులు తీసి, రంగులు, రోడ్లేయించి వెళ్లిపోతాననుకున్నారా...'' అంటూ మహేష్‌ శ్రీమంతుడు కోసం పలికిన డైలాగులు ఆకట్టుకొంటున్నాయి.

విడుదల ఎప్పుడు

శ్రీమంతుడు టైటిల్‌ క్లాస్‌గా కనిపిస్తున్నా.. మాస్‌, యాక్షన్‌ అంశాలు ఈ చిత్రంలో కావల్సినన్ని ఉన్నాయనే విషయాన్ని ఈ ప్రచార చిత్రం చెప్పకనే చెబుతోంది. జులై 17న ఈ చిత్రాన్ని విడుదల చేయాలనుకొంటున్నారు నిర్మాతలు.

అందుకే క్రేజ్

మైత్రీ మూవీ మేకర్స్ పతాకంపై మిత్రులు నవీన్ యెర్నేని, వై. రవిశంకర్, మోహన్‌లు సమష్టిగా 'మిర్చి' ఫేమ్ కొరటాల శివ దర్శకత్వంలో ఈ చిత్రం రూపొందుతోంది. 'ఆగడు' తర్వాత చాలాకాలంగా తెరపై కనిపించని మహేశ్ ఫస్ట్‌లుక్‌కు సహజంగానే అభిమానుల నుంచి విశేషస్పందన లభించింది. ఇప్పుడు టీజర్ ను కూడా రిలీజ్ చేయడం అభిమానుల్లో మరింత ఆసక్తిని పెంచింది.