ఫొటోలు, వీడియో : ఏదైమైనా 'బాహుబలి' టీమ్ లెక్కే వేరబ్బా

By Srikanya

Updated: Wednesday, July 13, 2016, 9:15 [IST]

హైదరాబాద్ : తెలంగాణా రాష్ట్రవ్యాప్తంగా ప్రభుత్వం ప్రతిష్ఠాత్మకంగా చేపట్టిన హరితహారం కార్యక్రమం విజయవంతమైన సంగతి తెలిసిందే. ఈ హరిత హారంలో సినిమా వాళ్లు చాలా ఏక్టివ్ గా పార్టిసిపేట్ చేసారు. ఇందులో భాగంగా రామోజీ ఫిలిం సిటీలో బాహుబలి టీమ్ మొక్కలు నాటారు. ఈ విషయాన్ని ట్విట్టర్‌ ఖాతా ద్వారా తెలుపుతూ.. ఆ ఫోటోను అభిమానులతో పంచుకున్నారు. అయితే ఇందులో హీరోయిన్స్ మాత్రం మిస్సయ్యారు. అనుష్క, తమన్నా, రమ్యకృష్ణ వీళ్లెవరూ ఈ పోగ్రాంలో పాలుపంచుకున్నట్లు లేరు.

రామానాయుడు స్టూడియోలో మొక్కలు నాటడంతో ప్రారంభమైన ఈ రోజు రామోజీ ఫిలిం సిటీలో మొక్కలు నాటడంతో ముగిసిందని ట్వీట్టర్లో పేర్కొన్నారు. ఈ సందర్భంగా దర్శకుడు ఎస్‌.ఎస్‌.రాజమౌళి, హీరో ప్రభాస్‌, యూనిట్‌ సభ్యులతో కలిసి దిగిన సెల్ఫీని అభిమానులతో రానా పంచుకున్నారు. అలాగే టీం మొక్కలు నాటుతున్నప్పటి వీడియో.

ఇక తెలంగాణ రాష్ట్ర ప్రభుత్వం అత్యంత ప్రతిష్టాత్మకంగా చేపట్టిన హరితహారం కార్యక్రమంలో పలువురు సినీ ప్రముఖులు పాలుపంచుకున్నారు. సోమవారం వేర్వేరుచోట్ల తారలు మొక్కలు నాటి సమాజంలో తమ వంతు బాధ్యతను గుర్తు చేశారు. మానవ మనుగడకు మొక్కలు ప్రాణాధారమని తెలుపుతూ తమ అభిమానులు సైతం మొక్కలు నాటాలని పిలుపునిచ్చారు.

ఇదిలా ఉంటే...బాహుబలి ..ది కంక్లూజన్ షూటింగ్ చాలా వేగంగా జరుగుతోంది. ఈ మేరకు రామోజి ఫిల్మ్ సిటీలో ఏర్పాటు చేసిన సెట్ లో షూటింగ్ జరిగింది. మబ్బులతో షూటింగ్ కు అంతరాయం కలగకుండా..100 KW డే లైట్స్ వాడి షూటింగ్ కంప్లీట్ చేసారు.

బాహుబలి టీమ్ ..హరిత హారం ఫొటోలు...