ఆమె అభి-ఐష్ కూతురు కాదు: బిగ్ బి గగ్గోలు

By Bojja Kumar

Published: Monday, November 21, 2011, 16:18 [IST]

ఇదే ఐశ్వర్య కూతురు అంటూ ఇంటర్నెట్ లో దర్శనం ఇస్తున్న ఫోటో నిజమైంది కాదని, అందులో ఉన్నది అభి, ఐష్ కూతురు కాదని బిగ్ బి అమితాబ్ తో పాటు, జూనియర్ బచ్చన్ అభిషేక్ తమ తమ ట్విట్టర్ లో స్పష్టం చేశారు. తన మనవరాలు ఫోటో ఇప్పడే బయటకు విడుదల చేయడానికి కుదరదని, సమయం వచ్చినప్పుడు మేమే ఆమెను అందరికీ చూపిస్తామని బిగ్ బీ తేల్చి చెప్పారు. ఈ ప్రకటన చేస్తూనే....మార్పింగ్ ఫోటో క్రియేట్ చేసిన వారి టాలెంట్ ను మెచ్చుకున్నారు. ఎలాంటి అనుమానం రాకుండా చాలా బాగా తయారు చేశారని, ఆ ఫోటో చూసి తాము ఎంతో ఎంజాయ్ చేస్తున్నామని తెలిపారు.

తన కూతురుకి A అక్షరంతో మొదలయ్యే పేరు సూచించాలని, తమ కుటుంబంలోని స్టార్ల పేర్లన్నీ A అక్షరంతో మొదలవుతున్నందున 'బేటీ బి" కి కూడా అదే అక్షరంతో పేరు సూచించాలని తన అభిమానులను కోరాడు అభిషేక్ బచ్చన్.

ప్రస్తుతం బిగ్ బి తన మనవరాలి ఫోటోలు తీసే పనిలో రోజంతా బిజీగా గడుపుతున్నారు. 2డి కెమెరాతో ఆ చిన్నారి ప్రతి కదలికను చిత్రీకరిస్తున్నారు. పెద్దయ్యాక వాటిని 3డి లోకి మార్చి చూసి సంబరపడిపోతామని అంటున్నారు బచ్చన్ కుటుంబ సభ్యులు.

More from Filmibeat