అమెరికా అధ్యక్ష్యుడుతో విందుకు ఐష్‌, అభిషేక్‌

ప్రధాని మన్మోహన్‌ సింగ్‌కు ఈ నెల 24న ఒబామా ఆతిధ్యం ఇస్తున్నారు. ఈ సందర్భంగా ఏర్పాటయ్యే ప్రత్యేక విందుకు మరో 10 మంది భారతీయ ప్రముఖులతో జాబితా రెడీ అయ్యింది. వారిలో సినీ పరిశ్రమనుంచి ఐశ్వర్యా రాయ్, అభిషేక్ బచ్చన్ ఉన్నారు. ఈ వివరాలను వైట్‌ హౌస్‌ సమాచారం తెలిపే పొల్టికో న్యూస్‌ మేగజీన్‌లో పొందుపర్చారు. ఈ అతిధి ఆహ్వానితుల్లో ప్రముఖ పారిశ్రామికవేత్త అనిల్‌ అంబానీ, రచయిత్రి-సామాజికవేత్త అరుంధతీ రాయ్‌, బాలీవుడ్‌ స్టార్‌ దంపతులు అభిషేక్‌ బచ్చన్‌, ఐశ్వర్యా రాయ్‌, వరల్డ్‌ ఈజ్‌ ఫ్లాట్‌ పుస్తక రచయిత థామస్‌ ఫ్రైడ్మెన్‌ ఉన్నారు. మొత్తానికి భారత సినీ పరిశ్రమ ప్రతినిధులుగా మంచి ఛాన్సే కొట్టేసారని బాలీవుడ్ అభిషేక్ దంపతులను అభినందిస్తోంది.