పవన్ కళ్యాణ్ తమ్ముడుగా పోకిరి మహేష్ ఫ్రెండ్...

తీన్ మార్ విజయంతో ఆనందంగా ఉన్న పవన్ కళ్యాణ్ అదే ఉత్సాహంతో తదుపరి చిత్రాలకు పనిచేయాలని వడివడిగా అడుగులు వేస్తున్నాడు. ఆ క్రమంలో మొదట విష్ణు వర్ధన్ దర్శకత్వంలో 'షాడో' ఈ నెలలో ప్రారంభం కానుంది. ఆ తరవాత హిందీ సినిమా 'దబాంగ్' ను 'గబ్బర్ సింగ్'గా తెలుగులో రిమేక్ చేస్తున్న చిత్రంలో పవన్ నటించనున్నాడు. సో పవన్ కి ఇప్పుడు రీమేక్ ల టైం నడుస్తోంది..'గబ్బర్ సింగ్"లో పవన్ కళ్యాణ్ నిర్మాణం జరుగబోతోంది. అంతే కాదు పవన్ కళ్యాణ్ క్రియేటివ్ వర్క్స్ పతాకం కింద పవన్ ఈ సినిమాకి నిర్మాతగా వ్యవహరిస్తున్నారు. ఈ చిత్రం మే10,11తేదీలలో షూటింగ్ ప్రారంభం కావొచ్చు.

తాజా సమాచారం ప్రకారం పోకిరి సినిమాలో మహేష్ బాబు స్నేహితుడుగానూ, మహేష్ బదులు తనే కవర్ ఏజెంట్ అనే తలంపుని కాసేపు ఇచ్చిన అజయ్ ఈ గబ్బర్ సింగ్ లో పవన్ కళ్యాణ్ తమ్ముడిగా నటించనున్నాడు. గతంలో విలన్ గా, సహాయనటుడిగా, సారాయి వీర్రాజు సినిమాలో హీరోగా మంచి పేరు తెచ్చుకున్న అజయ్ ఈ సినిమాలో మంచి పాత్ర దక్కించుకున్నాడు.

దబాంగ్ లో ఆ పాత్రను అర్బాజ్ ఖాన్ చేసాడు. ప్రస్తుతం స్క్రీప్ట్ వర్క్ పూర్తి చేసుకుని నటి నటుల ఎంపికలో ఉన్న ఈ సినిమా త్వరలోనే సెట్స్ ఫై కి వెళ్ళనుంది. కాజల్ అగర్వాల్ పవన్ తో జోడి కడుతున్న ఈ చిత్రానికి మిరపకాయ్ దర్శకుడు హరీష్ శంకర్ దర్శకత్వం వహిస్తున్నాడు. పవన్ కళ్యాణ్ క్రియేటివ్ వర్క్స్ బ్యానర్ ఫై పవన్ కళ్యాణ్ నిర్మిస్తున్న ఈ చిత్రానికి దేవి శ్రీ ప్రసాద్ సంగీతాన్ని అందిస్తున్నాడు. అంతే కాదు దబాంగ్ సినిమాని యథాతథంగా కాకుండా, రీమేక్ అనిపించుకోకుండా, పూర్తిగా తెలుగుదనం ఉట్టిపడేట్టుగా స్ర్కిప్ట్ ని తిరగరాయమని పవన్ కళ్యాణ్ హారీష్ కి చెప్పారట.