నాగార్జున కేసులో విచారణ ప్రారంభం

సినీ నటుడు నాగార్జున బెదిరింపులకు పాల్పడిన కేసులో పోలీసులు విచారణ ప్రారంభించారు. ఈ మేరకు నాగార్జునతో పాటు, అన్నపూర్ణ స్టూడియోస్‌లో పని చేసే వారిని, నాగార్జున బెదిరింపులకు పాల్పడిన సమయంలో ఉన్న పాత్రికేయుల దగ్గర నుంచి జూబ్లీ హిల్స్ పోలీసులు వివరాలు సేకరిస్తున్నారు. ఈ కేసులో నాగార్జున నేరం రుజువైతే శిక్ష తప్పదంటున్నారు న్యాయ నిపుణులు.

తనను సినీనటుడు నాగార్జున అసభ్య పదజాలంతో దూషించడని, బెదిరింపులకు పాల్పడ్డాడని ఓ ఆంగ్ల పత్రిక విలేకరి వై.సునీత చౌదరిపై ఇటీవల నాగర్జునపై జూబ్లీ హిల్స్ పోలీస్ స్టేషన్ లో ఫిర్యాదు చేసిన విషయం తెలిసిందే. ఈ మేరకు కేసు నమోదు చేసిన పోలీసులు నాగ్‌పై ఐపిసి 506, 509 సెక్షన్ కింద కేసులు నమోదు చేశారు.

నాగార్జున విగ్గుపెట్టుకుని సినిమాల్లో నటిస్తున్నారంటూ...సునీత చౌదరి గతంలో రాసిన ఓ ఆర్టికల్ ను మనసులో పెట్టుకున్న నాగార్జున ఇటీవల అన్నపూర్ణ స్టూడియోకు ప్రెస్ మీట్ కు వచ్చిన సునీత చౌదరిపై తన ప్రతాపం చూపాడని, బూతులు తిడుతూ దూషించాడని, బెదిరించాడని, అందుకే ఆమె నాగార్జునపై పోలీసులకు పిర్యాదు చేసిందని చర్చించుకుంటున్నారు.