లేటు వయసులో పూజా బేడీ రెండో వివాహం, ప్రియుడితో ముదిరిన ప్రేమ వ్యవహారం!

ప్రేమికుల రోజున ప్రపోజ్ చేశాడు

కొంతకాలంగా పూజా బేడీ తన స్నేహితుడు మానిక్ కాంట్రాక్టర్ ప్రేమలో ఉన్నారు. ప్రేమికుల రోజున మాణిక్‌ ఆమెను హాట్ ఎయిర్ బెలూన్‌లో వంద అడుగుల ఎత్తుకు తీసుకెళ్లి ప్రపోజ్ చేశాడుట. ఈ విషయాన్ని ఆమె ట్విట్టర్లో వెల్లడించారు.

గతేడాది రీకనెక్ట్ అయ్యారు... 2019లోనే పెళ్లి

చదువుకునే రోజుల నుంచే పూజా బేడీ, మానిక్ స్కూల్ మేట్స్. బోర్డింగ్ స్కూల్‌లో మానిక్ ఆమెకంటే 3 సంవత్సరాలు సీనియర్. గతేడాది గోవాలో బిజినెస్ వెంచర్ గురించి వెళ్లినపుడు ఇద్దరూ మళ్లీ రీ కనెక్ట్ అయ్యారట.

నా పిల్లలకు ఈ పెళ్లి ఓకే..

2003 ఫిబ్రవరి 14న నాకు విడాకులు అయ్యాయి. 2019 ఫిబ్రవరి 14న ఎంగేజ్మెంట్ అయింది. నా పిల్లలు కూడా మానిక్‌ మా కుటుంబంలోకి రావడానికి ఇష్టపడుతున్నారు. మానిక్ మా అందరితో చాలా సరదాగా ఉంటారు... అని పూజా బేడీ చెప్పుకొచ్చారు.

వారికి డేట్స్ సెట్టయినపుడే మా పెళ్లి డేట్ ఫిక్స్

నా కూతురు అలియా సినిమా షూటింగుల్లో బిజీగా గడుపుతోంది. ఆమె డేట్స్ అడ్జెస్ట్ అయ్యేలా, ఓమర్ కాలేజ్ హాలిడేస్ మ్యాచ్ అయ్యేలా ప్లాన్ చేసుకుని పెళ్లి తేదీ ఫిక్స్ చేసుకుంటామని, ఈ సంవత్సరమే మా పెళ్లి ఉంటుందని పూజా బేడీ తెలిపారు.

మా రెండు కుటుంబాలు కలిసిపోయాయి

మా పెళ్లి విషయంలో రెండు కుటుంబాలు సంతోషంగా ఉన్నాయి. మా ఇద్దరి మధ్య లవ్ రిలేషన్ మొదలైన తర్వాత రెండు కుటుంబాలు కలిసిపోయాయి. మానిక్ కాంట్రాక్టర్ జోవియల్‌గా ఉండే పార్శీ ఫ్యామిలీకి చెందిన వ్యక్తి అని పూజా బేడీ తెలిపారు.