పవన్ కళ్యాణ్, పూనమ్ కౌర్ లింకుల వ్యవహారం.. దొంగ దొరికాడు

పవన్ కళ్యాణ్‌తో పూనమ్ ఎఫైర్

తెలుగుతో పాటు తమిళ్, కన్నడలో కూడా పలు చిత్రాల్లో నటించిన పూనమ్ కౌర్‌కు జనసేన అధినేత పవన్ కళ్యాణ్‌తో ఎఫైర్ ఉందంటూ అప్పట్లో బాంబ్ పేల్చారు మూవీ క్రిటిక్ కత్తి మహేష్. ఈ వివాదంలో పూనమ్, కత్తి మహేష్‌ల మధ్య పెద్ద వివాదమే నడిచింది. ఆ తర్వాత ఎన్నికలు రావడం, మరోసారి పూనమ్ వ్యవహారం బయటకు రావడం లాంటి జరిగాయి.

సరిగ్గా ఎన్నికల సమయంలో పూనమ్ వాయిస్

ఆంధ్రప్రదేశ్ అసెంబ్లీ ఎన్నికల్లో మొదటిసారి పోటీ చేసిన పవన్ కళ్యాణ్ ని చాలా మంది శతృమూకలు టార్గెట్ చేశారు. కత్తి మహేష్ వ్యాఖ్యలను ఆసరాగా చేసుకొని సరిగ్గా ఎన్నికల సమయంలో పూనమ్ కౌర్ వాయిస్ తో పవన్ కళ్యాణ్ ఇమేజ్ డామేజ్ చేయాలని ప్రయత్నించారు. ఇది గమనించిన పూనమ్ సదరు వీడియోలకు, తనకు ఎలాంటి సంబంధం లేదని పేర్కొంటూ సైబర్ క్రైం పోలీసులను ఆశ్రయించింది.

అదే సమయంలో లక్ష్మీపార్వతి

దీంతో కేసు పరిశీలనలోకి సైబర్ క్రైం పోలీసులు.. పూనమ్ వాయిస్ టేపుల వ్యవహారంలో నిందితుడు లక్ష్మీపార్వతి ఇంట్లో పనిచేసిన కోటి అనే జూనియర్ ఆర్టిస్ట్ అని ప్రాథమిక విచారణలో తేల్చారు. ఆ సమయంలో లక్ష్మీపార్వతి తనను లైగికంగా వేధిస్తోందని కోటి చెప్పడంతో ఈ ఉచ్చు ఆమెకు కూడా చిక్కుకుంది. దీంతో కోటి కోసం పోలీసులు వెతుకులాట ప్రారంభించారు. కానీ ఈ సైబర్ నేరగాడి జాడ పట్టుకోవడం పోలీసులకు సాధ్యపడలేదు.

చివరకు నాంపల్లి కోర్టులో ప్రత్యక్షం

ఇన్నాళ్లు తప్పించుకు తిరిగిన కోటి చివరికు మంగళవారం హైదరాబాద్ నాంపల్లి కోర్టులో లొంగిపోయాడు. అయితే అతనిపై ఇన్వెస్టిగేషన్ చేసిన పోలీసులు.. ఈ కేసుతో పాటు కోటికి కేఏ పాల్ సోదరుడు డేవిడ్ రాజు హత్య కేసుతోనూ సంబంధాలు ఉన్నట్లు గుర్తించారు. దీంతో ఈ కేసు కొత్త మలుపు తిరుగుతోంది.

లక్ష్మీపార్వతి, పూనమ్ కౌర్ లకు రిలాక్స్

గత రెండు మూడు నెలలుగా తప్పించుకు తిరుగుతున్న సైబర్ నిందితుడు కోటి.. ఎట్టకేలకు పోలీసుల ఎదుట లొంగిపోవడంతో లక్ష్మీపార్వతి, పూనమ్ కౌర్‌లు ఊపిరి పీల్చుకున్నారు. తమపై వచ్చిన ఆరోపణలు అసత్యాలని ఇకనైనా జనం నమ్ముతారని వారు భావిస్తున్నారు.