'కత్తి'కి పూనమ్ నుంచి అనూహ్య మద్దతు: 'నేను టార్గెట్ కాదలుచుకోలేదు'.. వెంటనే ట్వీట్ డిలీట్..

పూనమ్ కౌర్ ట్వీట్:

'ఎవరైనా సరే, ఓ వ్యక్తి తల్లిని కించపరుస్తూ మాట్లాడకూడదు. నేను నిజాయితీగా అడుగుతున్నా.. దయచేసి కత్తి మహేష్ తల్లి గురించి మాట్లాడవద్దు' అంటూ హీరోయిన్ పూనమ్ కౌర్ ట్వీట్ చేయడం గమనార్హం.

టార్గెట్ కాదలుచుకోలేదు..:

'వ్యక్తుల రహస్య ఎజెండాలకు రాజకీయంగా నేను టార్గెట్ కాదలుచుకోవడం లేదు. నేను మిమ్మల్ని కలిసి దీని గురించి చర్చించాలనుకుంటున్నాను' అని పవన్ కల్యాణ్‌ను ఉద్దేశించి పూనమ్ మరో ట్వీట్ చేశారు.

పవన్ గారు.. సహాయం చేయండి:

'గౌరవనీయులైన పవన్ కల్యాణ్ గారు.. ఇది నా కెరీర్, ఫ్యామిలీకి సంబంధించిన విషయం. కాబట్టి ఈ పరిస్థితి నుంచి బయటపడటానికి నాకు సహాయం చేయండి' అని పూనమ్ మరో ట్వీట్ చేశారు.

ఆ వెంటనే డిలీట్..:

పవన్ నుంచి సహాయాన్ని కోరుతూ ట్వీట్ చేసిన పూనమ్ కౌర్.. ఆ వెంటనే వాటిని డిలీట్ చేయడం గమనార్హం. పూనమ్ ట్వీట్స్ డిలీట్ చేయడం కూడా ఇప్పుడు లేని చర్చకు తావిచ్చినట్లయింది.

డిబేట్ నుంచి వాకౌట్..:

కత్తి మహేష్ తనపై ప్రశ్నలు లేవనెత్తిన సమయంలో పూనం కౌర్ మహేష్ కత్తికి మద్దతుగా నిలవడం గమనార్హం. ఆదివారం ఓ టీవి చానెల్ డిబేట్‌లో కత్తితో పాటు కార్యక్రమంలో కూర్చొన్న ఓ వ్యక్తి.. 'మీ తల్లి గురించి తెలుసుకోవాలనుకుంటున్నాం.. చెప్పండి' అంటూ ఆయన్ను ప్రశ్నించారు. పదేపదే ఆ ప్రశ్న అడగడంతో.. సమాధానం చెప్పడానికి విముఖత వ్యక్తం చేసిన కత్తి.. డిబేట్ నుంచి వాకౌట్ చేశారు.

మహేష్ తల్లి ప్రస్తావన..:

టీవి డిబేట్‌లో మహేష్ కత్తి తల్లి గురించి ప్రస్తావించడం పట్ల భిన్నాభిప్రాయాలు వ్యక్తమవుతున్నాయి. అటు సోషల్ మీడియాలోనూ మహేష్ కత్తి తల్లి గురించి ప్రస్తావిస్తూ కొంతమంది కామెంట్స్ చేస్తున్నారు.

ఆ ట్వీట్ ఒకటి పూనమ్ దృష్టికి రావడంతో ఆమె ఈ అంశంపై స్పందించారు. ఏదేమైనా ఆయన తల్లి గురించి మాట్లాడటం పద్దతి కాదనే రీతిలో పూనం కౌర్ హుందాగా స్పందించారు.

అంతకుముందు..:

హీరోయిన్ పూనమ్ కౌర్ తనను వ్యక్తిగతంగా టార్గెట్ చేసినందువల్ల.. తాను కూడా కొన్ని విషయాలు ప్రస్తావించక తప్పట్లేదని కత్తి మహేష్ ఆదివారం సంచలన ప్రశ్నలు లేవనెత్తారు.

ఆ ప్రశ్నలు ఆమె జీవితానికే మేలు చేస్తాయని కూడా అన్నారు. ఆ ఆరు ప్రశ్నలు పవన్ కల్యాణ్-పూనమ్ కౌర్ మధ్య సంబంధాన్ని, మధ్యలో త్రివిక్రమ్ ప్రమేయాన్ని గురించి ప్రశ్నించేలా ఉన్నాయి.

పూనమ్‌పై ఇలా..:

మహేష్ కత్తిని కించపరిచేలా అంతకుముందు ట్వీట్ చేసిన పూనమ్ కౌర్.. ఇప్పుడిలా హుందాగా స్పందించడంపై కూడా భిన్నాభిప్రాయాలు వ్యక్తమవుతున్నాయి.

పూనమ్ ముందే హుందాగా స్పందించి ఉంటే కత్తి కూడా ఆ సంచలన ఆరోపణలు చేసి ఉండేవాడు కాదు కదా? అన్న అభిప్రాయం కొంతమంది వ్యక్తం చేస్తున్నారు. అయితే కత్తి అంతలా పవన్ ను వెంటాడుతున్నాడు కాబట్టే ఆమె కూడా వ్యక్తిగతంగా విమర్శించాల్సి వచ్చిందనేది మరికొంతమంది వాదన.