పూనమ్ కౌర్ సంచలన వ్యాఖ్యలు.. ఆ డైరెక్టర్ సినిమాలే కాదు, మనుషులని కూడా, మళ్ళీ సస్పెన్సే!

ఆ డైరెక్టర్ మనుషులని కూడా

ఆ డైరెక్టర్ సినిమాలే కాదు మనుషులని కూడా బాగా డైరెక్ట్ చేయగలడు. నన్ను కూడా డైరెక్ట్ చేయాలని ప్రయత్నించాడు. ఎందుకు ఎలా చేస్తున్నారని ప్రశ్నిస్తే ఏమి ఎరుగనట్లు ప్రవర్తించాడు. అతడికి చెందిన అమ్మాయిలు మాత్రమే ఇండీస్ట్రీలో ఉండాలని భావిస్తాడు. ఆ దర్శకుడు ఎవరనే విషయం మాత్రం పూనమ్ కౌర్ వెల్లడించలేదు.

కారణాలు చెప్పలేను

ఎవరికైనా అవకాశం ఇస్తున్నారంటే దానికి అనేక కారణాలు ఉంటాయి. ఆ కారణాలు కనీసం చెప్పలేను కుడా అంటూ పూనం కౌర్ సంచనల వ్యాఖ్యలు చేసింది. ఇండస్ట్రీలో కాస్టింగ్ కౌచ్ గురించి చర్చ జరుగుతున్న సమయంలో పూనమ్ కౌర్ చేస్తున్న వ్యాఖ్యలు హాట్ టాపిక్ గా మారాయి.

ఆమె ప్లాపుల్లో ఉన్నా కుడా

దర్శకుడికి చెందిన ఓ అమ్మాయి వరుసగా ప్లాపుల్లో ఉంది . అయినా కుడా ఆమెకే అవకాశాలు ఇచ్చారు. దానికి గల కారణాలు తెలియవు. అసలు ఇంతకి ఇండస్ట్రీ లో ఏం జరుగుతోంది అంటూ పూనం ఆశ్చర్యం వ్యక్తం చేసింది.

ఆశలు పెంచడం తప్పు

నమ్మించేలా మాటలు చెప్పి, ఆశలు పెంచి ఆ తరువాత ఏమి జరగనట్లు వెళ్లిపోవడం చాలా తప్పు అని పూనమ్ కౌర్ వ్యాఖ్యానించింది. కేవలం తెలివైన వారు మాత్రమే ఆధారాలు ఉంచుకుంటారు.. అమాయకులు గుడ్డిగా నమ్ముతారు అంటూ పూనమ్ నర్మగర్భంగా సంచలన వ్యాఖ్యలు చేసింది.

ఇంతకీ ఎవరిని ఉద్దేశించి

ఇంతకీ పూనమ్ కౌర్ చేస్తున్న సంచలన వ్యాఖ్యలు ఎవరిని ఉద్దేశించి అని ఇండస్ట్రీలో హాట్ హాట్ గా చర్చ జరుగుతోంది. ఇప్పటికే శ్రీరెడ్డి, కాస్టింగ్ కౌచ్ లాంటి వ్యవహారాలు ఇండస్ట్రీని కుదిపేస్తున్న తరుణంలో పూనమ్ కౌర్ ట్వీట్స్ సెగలు పుట్టించేవిగా ఉన్నాయి.