వెండితెరపై యండమూరి

By Staff

Published: Monday, May 25, 2009, 14:00 [IST]

ప్రముఖ రచయిత యండమూరి వీరేంద్రనాధ్ త్వరలో డైరీ అనే చిత్రంలో గెస్ట్ రోల్ లో కనిపించనున్నారు. శివాజి హీరోగా నిర్మాణమవుతున్న ఈ చిత్రం ఓ ధ్రిల్లర్. సినిమాకి కీలకమైన మలుపు తెచ్చే సన్నివేశంలో ఆయన కనిపించనున్నారు. ఇక మంత్ర నిర్మాతలు నిర్మిస్తున్న ఈ చిత్రంలో సెక్సీ శ్రధ్దాదాస్ సైతం లీడ్ రోల్ చేస్తోంది. ఈ నెల ఇరవై తొమ్మిదిన రిలీజయ్యే ఈ సినిమాపై మంచి అంచనాలే ఉన్నాయి. ఇక శివాజి సైతం వరస ఫ్లాపు లు రావటంతో ఈ చిత్రంపై మంచి ఆశలు పెట్టుకున్నారు. ఇన్నాళ్ళు కవర్ పేజీలు, ఇంటర్వూలలో మాత్రమే కనపడిన యండమూరి తెరపై కనపడటం ఆయన అభిమానులకు ఆనందం కలిగించే విషయం. అలాగే యండమూరి ఈ మధ్యనే కథ అందించిన పున్నమి నాగు చిత్రం డిజాస్టర్ టాక్ తెచ్చుకుంది. ముమైత్ ఖాన్, రాజీవ్ కనకాల ప్రధాన పాత్రల్లో వచ్చిన ఆ చిత్రాన్ని కోదండ రామిరెడ్డి డైరక్ట్ చేసారు.

More from Filmibeat