లేపుకొస్తే నేనే పెళ్లి చేశా..... రవితేజ తమ్ముడు భరత్ గురించి పోసాని!

ఓ అమ్మాయిని లేపుకొచ్చాడు

ఓసారి భరత్‌ ఓ అమ్మాయిని ప్రేమించి, లేపుకొచ్చి తనను ఇబ్బందుల్లో పడేసినట్లు పోసాని గతంలో ఓ ఇంటర్వ్యూలో గుర్తు చేసుకున్నారు. దాదాపు ఇరవైయ్యేళ్ల క్రితం తాను పరుచూరి బ్రదర్స్ వద్ద అసిస్టెంటుగా పని చేస్తున్న రోజుల్లో ఇది జరిగిందని తెలిపారు.

అపుడు ఏం జరిగిందంటే...

పరుచూరి బ్రదర్స్ వద్ద పని చేస్తున్న రోజుల్లో వారి ఇంటి ఆవరణలోనే ఓ గదిలో పోసాని ఉండేవారు. ఓ రాత్రి హైదరాబాద్ నుండి ఓ అమ్మాయితో పారిపోయి చెన్నై వచ్చిన భరత్...పోసాని సహాయం కోరాడట. ఆ రాత్రి భరత్ పరిస్థితి చూసి తన రూమ్ వారికి ఇచ్చి తను వేరేచోట పడుకున్నారట.

అప్పటికి రవితేజ హీరో కాలేదు

రవితేజ అప్పటికి ఇంకా హీరో కాలేదు... చిన్న చిన్న వేషాలు వేస్తూ ప్రయత్నాలు చేస్తున్నాడు. అపుడు ఇంకా రవితేజ కూడా పోసానికి పరిచయం లేదట.

భరత్ వల్ల పోసాని ఔట్

పోసానికి కేటాయించిన ఇంట్లో అమ్మాయి కనిపించడంతో వీరు ఇక్కడ ఏదో తప్పుడు పనులు చేస్తున్నారని అనుమాన పడిన పరుచూరి కుటుంబ సభ్యులు గొడవ చేశారని, పోసానిని బయటకు పంపేసారని, ఆ విధంగా భరత్ ప్రేమ వ్యవహారం తనకు పరుచూరి బ్రదర్స్ వద్ద ఉపాధిని లేకుండా చేసిందని పోసాని అప్పట్లో వివరించారు.

మళ్లీ పరుచూరి బ్రదర్స్ ఇంటి మెట్లు ఎక్కలేదు

కనీసం ఏం జరిగిందో కూడా వివరణ ఇచ్చే అవకాశం ఇవ్వకుండా తనను బయటకు పంపేశారు. ఆ తర్వాత తను ఎప్పుడూ పరుచూరి ఇంటి మెట్లు ఎక్కలేదని పోసాని అప్పట్లో చెప్పుకొచ్చారు.

భరత్ పెళ్లి వివాహాలు

భరత్ తీసుకొచ్చింది డబ్బున్న ఇంటి అమ్మాయి అని, వారి పెళ్లి తామే చేశామని....అప్పట్లో పోసాని తెలిపారు. ఆ తర్వాత వీరు విడిపోయారని తెలుస్తోంది. అయితే భరత్‌కు నాలుగేళ్ల క్రింద మరో పెళ్లి జరిందని మీడియాలో ప్రచారం జరుగుతోంది. ప్రస్తుతం వారు విడిగానే ఉంటున్నారని టాక్.