పోసాని ‘ఆపరేషన్ వెర్రిపువ్వు’ హాట్ టాపిక్... పవన్‌కు ముప్పు, ఎన్టీఆర్‌నూ తొక్కేస్తారట!

‘ఆపరేషన్ వెర్రి పువ్వు' హాట్ టాపిక్

పోసాని చెప్పిన ‘ఆపరేషన్ వెర్రిపువ్వు' అంశం ఇపుడు తెలుగు రాష్ట్రాల్లో హాట్ టాపిక్ అయింది. ఢిల్లీ నుంచి పప్పు అనే వ్యక్తి నాకు ఇందుకు సంబంధించిన సమాచారం అందించారంటూ పోసాని వ్యాఖ్యానించడం గమనార్హం.

పవన్ పాపులారిటీ తగ్గించడమే లక్ష్యం

పవన్ కళ్యాణ్ పాపులారిటీ తగ్గించడమే లక్ష్యంగా ‘ఆపరేషన్ వెర్రిపువ్వు' జరుగుతుందని పప్పు అనే వ్యక్తి నాకు సమాచారం అందించారని, అయితే తనకు పప్పు ఎవరో తెలియదని పోసాని తెలిపారు. గత ఎన్నికల్లో మాదిరిగానే ఈ సారి కూడా పవన్ కళ్యాణ్‌ను మోసం చేయడం కూడా ‘ఆపరేషన్ వెర్రిపువ్వు'లో భాగమే అని పోసాని తెలిపారు.

జూ ఎన్టీఆర్‌నూ తొక్కేస్తారట

జూనియర్ ఎన్టీఆర్‌ను రాజకీయాల్లోకి రాకుండా ఎలా అడ్డుకోవాలి? ఆయన్ను పొలిటికల్‌గా ఎలా తొక్కేయాలి? అనేది కూడా ‘ఆపరేషన్ వెర్రిపువ్వు'లో భాగమే అని పోసాని తనదైన శైలిలో వ్యాఖ్యానించారు.

అది నమ్మితే ఇదీ నమ్మాల్సిందే

శివాజీ చెప్పిన ‘ఆపరేషన్ గరుడ' నిజమని ఎవరైతే నమ్ముతారో.... నేను చెప్పిన ‘ఆపరేషన్ వెర్రిపువ్వు' ను కూడా నమ్మాల్సిందే. అతడి లాగే నాక్కూడా ఢిల్లీ నుంచి సమాచారం వచ్చింది అంటూ పోసాని తనదైన శైలిలో విరచుకుపడ్డారు.