చాలా మంది తాట తీశాడు: బాలకృష్ణపై పోసాని సంచలన కామెంట్స్

బాలయ్య చాలా తాటలు తీశాడు

కేసీఆర్ ఏపీలో అడుగు పెడితే తాట తాస్తా అని బాలయ్య ఇటీవల కూకట్‌పల్లి మీటింగులో అన్నారు అంటూ కొందరు పాత్రికేయులు ప్రస్తావించగా.... ‘ఆయన ఆ మాట అన్నాడా?' ఆయన గురించి మీకు తెలుసుగా చాలా తాటలు తీశారు' అంటూ పోసాని వ్యాఖ్యానించారు.

ఆయన ఎంతో పవర్ ఫుల్

వాళ్ల నాన్న రామారావును వెన్నుపోటు పొడిస్తే చంద్రబాబుగారి తాట తీశాడు, వాళ్ల నాన్న మీద చెప్పేస్తే ఎవడ్రా అని వాళ్లను ఇరగొట్టాడు. మీకు తెలుసుకదా బాలకృష్ణ ఎంత పవర్ ఫుల్ పర్సనో... అంటూ పోసాని వ్యంగ్యాస్త్రాలు సంధించారు.

ఆయన మాట అంటే వెనక్కి తీసుకోరు

ఆయన మాట అంటే వెనక్కి తీసుకోడు. అందుకనే రామారావును ఎవరైతే వెన్నుపోటు పొడిచారో వారిని కింద పడేసి కసా కసా కాళ్లతో తొక్కి బయటకు వెళ్లగొట్టేశారు. అలాంటి బాలకృష్ణ గురించి నేనేం చెప్పగలను.... అంటూ పోసాని వ్యాఖ్యానించారు.

కేసీఆర్‌కే ఓటేశాను

ఇటీవల జరిగిన ఎన్నికల్లో తాను కేసీఆర్‌కే ఓటేశాను, ఆయన గెలవాలని కోరుకున్నాను. అలా జరిగినందుకు చాలా సంతోషంగా ఉందని పోసాని అన్నారు. కేసీఆర్ పాలన బావుంది కాబట్టే ప్రజలు ఆయనకు పట్టం కట్టారని తెలిపారు.