'ప్రజారాజ్యం'లోకి పోసాని

By Staff

Published: Thursday, March 19, 2026, 12:23 [IST]

సినీ మాధ్యమం ద్వారా రాజకీయంగా ఎవేర్ నెస్ ని కలిగించటానికి ప్రయత్నిచే వ్యక్తి పోసాని కృష్ణ మురళి. రచయిత,దర్శకుడు,నటుడు అయిన ఆయన మీడియాతో మాట్లాడుతూ తాను చిరంజీవి స్ధాపించిన ప్రజారాజ్యం ని సపోర్ట్ చేస్తానన్నారు. ఈ విషయం పెద్ద విచిత్రం కాకపోయినా సినీ పరిశ్రమలో చర్చనీయాంసంగా మారింది. గతంలోనూ తెలుగుదేశం పార్టీ ని సపోర్టు చేస్తూ పత్రికల్లో యాడ్స్ ఇవ్వటాన్ని అంతా గుర్తు చేసుకుంటున్నారు. అలాగే ఆయన చిరంజీవికీ,ఆయన పార్టీకీ ఎప్పుడూ అందుబాటులో ఉండి స్ధాయి భేదం లేకుండా అన్ని లెవెల్స్ లో కోపరేషన్ ఇస్తానని ప్రకటించారు.

ప్రస్తుతం పోసాని తన స్వీయ దర్శకత్వంలో మెంటల్ కృష్ణ అనే సినిమాలో ప్రధాన పాత్ర చేస్తున్నారు. అంతే గాక త్వరలో తాను తీయబోయే చిత్రానికి గవర్నమెంట్ అని పేరు పెట్టారు. ఆ సినిమాలో ప్రభుత్వంలో పేరుకుపోయిన అవినీతిని ఎండగడతారని, విఫలమైన ప్రజా సంక్షేమ పథకాలపై విమర్శలూ ఉంటాయని తెలుస్తోంది. ఇక పోసాని మాదిరిగా ప్రకటన చేస్తూ సినీ పరిశ్రమ నుంచి మరెంత మంది ప్రజారాజ్యంలో కి వెళ్ళనున్నారనేది తేలాల్సి ఉంది.

More from Filmibeat