వై.యస్.కీ ,నా సినిమాకీ..పోసాని

By Staff

Published: Thursday, May 14, 2009, 13:23 [IST]

పోసాని కృష్ణ మురళి రాజకీయ వ్యంగ్య చిత్రంగా రూపొందించిన రాజుగారి చేపల చెరవు సినిమా రేపు రాష్ట్రమంతటా రిలీజు అవుతోంది. ఈ సందర్భంగా పోసాని మీడియాతో మాట్లాడుతూ ఇది వై.ఎస్‌.రాజశేఖరరెడ్డిపై తీసిన సినిమా అని ప్రచారం జరుగుతోంది...అయితే ఏ వ్యక్తిపైనా వ్యక్తిగతంగా నేనేప్పుడూ రాయలేదు, సినిమా తీయలేదు. రాజా అనేది సినిమాలో నా పేరు. అంతేకానీ వై.ఎస్‌.రాజశేఖరరెడ్డి పేరు కాదు. ఆయనకి ఈ సినిమాతో ఎలాంటి సంబంధం లేదు అన్నారు. అలాగే ఎన్నికల ముందు వస్తుందని చెప్పిన సినిమా విడుదలలో జాప్యం ఎందుకు జరిగింది అన్న దానికి కారణం వివరిస్తూ సినిమా పూర్తికాక పోవడమే ఎన్నికల ముందు విడుదల కాకపోవడానికి కారణం.

చిరంజీవిగారు ఎన్నికల ప్రచారంలో పాల్గొనమన్నందున అటువైపు వెళ్లా. అందుకే కాస్త ఆలస్యమయ్యింది. అయితే కాంగ్రెస్‌వాళ్లు ఇది తమపై తీసిన సినిమా అనుకుని, ఎన్నికల ముందు ఈ సినిమాని ఆపాలని సెన్సార్‌వాళ్లకి రిపోర్ట్‌ చేశారని తెలిసింది. వాళ్లనుకుంటున్నట్లు ఈ సినిమా కాంగ్రెస్‌ వాళ్లకి వ్యతిరేకంగా తీసింది కాదు. రాజకీయ నాయకుల్లోని కొంతమంది కుసంస్కారులు ఇట్లాంటి ప్రచారం తీసుకొచ్చారు అన్నారు. పోసాని కృష్ణమురళి తనే ప్రధాన పాత్రగా నటిస్తూ దర్శకత్వం వహించిన 'రాజావారి చేపల చెరువు' చిత్రం ఈ నెల 15న ప్రేక్షకుల ముందుకు వస్తోంది. లక్ష్మీగణపతి ఫిలిమ్స్‌ పతాకంపై సుబ్రహ్మణ్యం బి., రూపేష్‌ వై. ఈ చిత్రాన్ని నిర్మించారు.

More from Filmibeat