twitter
    For Quick Alerts
    ALLOW NOTIFICATIONS  
    For Daily Alerts

    ‘గబ్బర్ సింగ్’ చిత్రానికి అదే పెద్ద ప్లస్...

    By Bojja Kumar
    |

    సమ్మర్ బరిలో చివరకు టాప్ పొజిషన్లో నిలిచేది ఎవరు? ఇప్పటికే 'రచ్చ' చిత్రం విడులై మాస్ హిట్‌గా మంచి కలెక్షన్లు కురిపిస్తోంది. జూ ఎన్టీఆర్ నటిస్తున్న 'దమ్ము' చిత్రం కూడా భారీ అంచనాలతో విడుదలకు సిద్దం అవుతోంది. మరో వైపు మే 2వ వారంలో 'గబ్బర్ సింగ్' బరిలోకి దూకుతున్నాడు. ఈ సమ్మర్లో చెప్పుకోదగ్గ టాప్ 3 సినిమాలు ఇవే. వీరి మధ్యే ప్రధాన పోటీ నెలకొని ఉంటుంది. వీటిలో ఏ సినిమా ఎక్కువ కలెక్షన్లు సాధిస్తుంది? ఏ సినిమాను ప్రేక్షకులు ఎక్కువ ఆదరిస్తారు? అనే అంశాలు చర్చనీయాంశం అయింది.

    రచ్చ చిత్రం విషయానికొస్తే కేవలం మాస్ ఎంటర్ టైనర్ మాత్రమే. అభిమానులకు మాత్రమే సంతృప్తినిచ్చింది. అన్ని వర్గాల ప్రేక్షకులకు మెప్పించలేక పోయింది. 'దమ్ము' చిత్రంపై ఇప్పటి వరకు ఉన్న అంచనాల ప్రకారం ఈ చిత్రం మాస్ అండ్ ఫ్యామిలీ అంశాలతో తెరకెక్కినట్లు తెలుస్తోంది. అయితే సినిమాలో కామెడీ పాళ్ల చాలా తక్కువేనని స్పష్టం అవుతోంది.

    అయితే గబ్బర్ సింగ్ చిత్రం మాత్రం ఇటు మాస్ అంశాలతో పాటు...పవన్ కళ్యాణ్ మార్క్ సెటైరిక్ కామెడీ మసాలాతో రూపొందించారు. కామెడీ ఉంటే ఆటోమేటిక్‌గా ఫ్యామిలీ ప్రేక్షకులు కూడా ఇష్ట పడతారు. ఇవన్నీ సినిమా ప్లస్సయ్యే అంశాలు. దీనికి తోడు దేవిశ్రీ ప్రసాద్ అందించిన సంగీతం కూడా సినిమాపై అంచనాలు పెంచింది. దూకుడు రేంజ్‌లో సినిమా ఉండొచ్చని అంటున్నారు.

    అలా అని 'దమ్ము' చిత్రాన్ని తక్కవ అంచనా వేయలేం. ఎన్టీఆర్ పవర్ ఫుల్ యాక్షన్‌తో సింగిల్‌గా సినిమాను నెట్టుకురాగలడు. అయితే ప్రేక్షకుడి మనసు ఏ సినిమా విషయంలో ఎలా ఉంటుందో విడుదలయ్యే వరకు చెప్పడం కష్టమే. మరి ఈ నేపథ్యంలో సమ్మర్ కింగ్ ఎవరో ఇప్పుడే నిర్ణయించడం అసాధ్యం.

    English summary
    Gabbar Singh movie has ample comedy which was the drawback in Rachcha. Even Ntr’s Dammu pre release reports read that the film falls short in comedy department. There isn't a good comedy movie at the box office post Dookudu and if Gabbar Singh can fill that void and comes out as a clean comedy entertainer, it can create wonders at the box office.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X