For Quick Alerts
    ALLOW NOTIFICATIONS  
    For Daily Alerts

    తెలుగు సూపర్ స్టార్‌పై... పోస్టల్ స్టాంప్

    By Bojja Kumar
    |

    హైదరాబాద్: తెలుగు సూపర్ స్టార్ కృష్ణకు అరుదైన గౌరవం దక్కింది. ఆస్ట్రేలియా ప్రభుత్వం కృష్ణ ఫోటోతో పోస్టల్ స్టాంపులు రిలీజ్ చేసింది. ఆస్ట్రేలియాలో పని చేసే కృష్ణ అభిమానులు తమ అభిమాన హీరో ఫోటోతో స్టాంపు విడుదలయ్యేలా కృషి చేసారు. $ 1.65 ఆస్ట్రేలియన్ డాలర్ విలువ చేసే ఈ స్టాంపు అస్ట్రేలియాలో అన్ని అధికారిక కార్యకలాపాలకు, పోస్టేజ్ కోసం వాడవచ్చు.

    కృష్ణపై పోస్టల్ స్టాంపు రిలీజ్ అయిన వెంటనే ఆయన అభిమానులు నవీన్ దావల, వంశీ పర్వతనేని, వేణు నాదెళ్ల, ప్రసాద్ సుంకర వాటిని తీసుకొచ్చి తమ అభిమాన హీరోను పర్సనల్‌గా కలిసి బహూకరించారు. పోస్టల్ స్టాంపు రిలీజ్ పై కృష్ణ, మహేష్ బాబు అభిమానుల ఆనందానికి హద్దులు లేకుండా పోయింది.

    ఇటీవల విడుదలైన 'సేవకుడు' చిత్రంలో చివరి సారిగా కనిపించిన కృష్ణ ఇకపై ఏ సినిమాలోనూ నటించకూడదని నిర్ణయించుకున్నారు. తన ఆరోగ్యం సహకరించడం లేదని, దాంతో సినిమాల నుంచీ రాజకీయాల నుంచీ తప్పుకోవాలని నిర్ణయించుకున్నానని ఇటీవల ఆయన ప్రకటించారు.

    ఆయన 350కి పైగా చిత్రాల్లో నటించారు. తాను ఛత్రపతి శివాజీ సినిమా తీయాలని అనుకున్నానని, నటనకు దూరంగా కావాలని నిర్ణయించుకోవడంతో అది స్వప్నంగానే మిగిలిపోతోందని కృష్ణ అన్నారు. కృష్ణ తన సొంత సినీ నిర్మాణ సంస్థ పద్మాలయా బ్యానర్‌పై పలు విజయవంతమైన సినిమాలను తీశారు. అల్లూరి సీతారామారాజు, మోసగాళ్లకు మోసగాడు, పాడి పంటలు వంటి విజయవంతమైన సినిమాల్లో ఆయన నటించారు. కౌబాయ్, డిటెక్టివ్ సినిమాలకు ఆయన పెట్టింది పేరుగా నిలిచారు.

    అల్లూరి సీతారామరాజు సినినిమాతో తెలుగు తెరకు సినిమా స్కోప్‌ను, సింహాసనం సినిమాతో 70ఎంఎం మూవీని, తెలుగు వీర లేవరా సినిమాతో డిటిఎస్ మూవీని పరిచయం చేసింది ఆయనే. ఆయన 17 సినిమాలకు దర్సకత్వం కూడా వహించారు. కాంగ్రెసు పార్లమెంటు సభ్యుడిగా పనిచేశారు.

    English summary
    Superstar Krishna achieved a rare honour. His fans in Australia have worked with the postal department of the country to come up with some special stamps dedicated to their hero. The stamps have a value of Australian $ 1.65 each and can be used legally for postage.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X