నవదీప్ 'వసూల్‌రాజా' (ఫొటో ఫీచర్)

దర్శకుడు మాట్లాడుతూ " 'వసూల్‌రాజా' గత మూడు రోజులుగా శ్రీహరి, నవదీప్, దండపాణి, రీతుబర్మేచా, విజయరంగరాజా, సమీర్, ఉత్తేజ్, సత్యం రాజేష్ తదితరులపై పతాక సన్నివేశాలను చిత్రీకరిస్తున్నాం. ఇంకా 30 శాతం టాకీ, రెండు పాటలను చిత్రీకరించాలి'' అని తెలిపారు. ఈ చిత్రం ఘన విజయం సాధిస్తుందని ఆయన కాన్ఫిడెంట్ గా ఉన్నారు.

అల్లరి నరేష్ తో అహనా పెళ్లంట చిత్రం చేసిన రీతు బర్మేచా రెండవ చిత్రం ఇది. ఇందులో నవదీప్ కు లవర్ గా ఆమె కనిపించనుంది. ఈ చిత్రంతో తెలుగులో సెటిల్ అవుతానంటోందీ ముద్దుగుమ్మ.

శ్రీహరి క్యారెక్టర్ ఆర్టిస్టుగా చేసిన సినిమాలన్నీ సూపర్ హిట్టే. ఇందులో శ్రీహరి పాత్ర హైలెట్ అవుతుందంటున్నారు. ఈయన ఇందులో పోలీస్ ఆఫిసర్ పాత్ర పోషిస్తున్నట్లు సమాచారం.

దర్శకుడు కార్తికేయ గోపాలకృష్ణ కి ఇది రెండో చిత్రం. మొదటి చిత్రం సాధ్యం. జగపతిబాబుతో చేసిన ఆ చిత్రం భాక్సాఫీస్ వద్ద ఫెయిల్యూర్ అయ్యింది. అయితే ఈ సారి హిట్ కొట్టే తీరుతానంటున్నాడు.

నిర్మాత మాట్లాడుతూ "పక్కా మాస్ ఎంటర్‌టైనర్ ఇది. శ్రీహరి పోలీస్ ఆఫీసర్‌గా నటిస్తున్నారు. నవదీప్ పక్కా మాస్ పాత్రలో చేస్తున్నారు. చిన్నిచరణ్ సంగీతం, రామస్వామి సంభాషణలు సినిమాకు హైలైట్'' అని చెప్పారు. బ్రహ్మానందం తదితరులు ఇతర పాత్రధారులు. ఈ చిత్రానికి కెమెరా: కృష్ణప్రసాద్, నృత్యాలు: శేఖర్.