ప్రభాస్‌ పౌర్ణమి ఏప్రిల్‌ 20న విడుదల

సూపర్‌హిట్‌ చిత్రాలతో హ్యాట్రిక్‌ కొట్టిన భారీ నిర్మాత ఎంఎస్‌ రాజు ఏప్రిల్‌ 20న పౌర్ణమి సినిమాను విడుదల చేయబోతున్నారు. ఈ సినిమా ఆడియో ఇటీవల విడుదలై విజయవంతమైంది. ఈ సినిమాలో ప్రభాస్‌ సరసన నలుగురు హీరోయిన్లు నటించడం విశేషం. ఆ నలుగురు త్రిష, చార్మి, సింధు తులానీ, మధుశర్మ. ప్రభుదేవా దర్శకత్వం వహిస్తున్న ఈ సినిమాకు సంబంధించి మరికొన్ని విశేషాలను దట్స్‌ తెలుగు సేకరించింది. చంద్రముఖి లాగానే ఈ సినిమాలో పునర్జన్మ ఉంటుంది. చార్మి మరణించడంతో ఆమె ఆత్మ త్రిషను ఆవహిస్తుంది. అప్పటి వరకు సంగీతమంటే ఇష్టం ఉండని త్రిష చార్మి ఆత్మ ఆవహించడంతో సంగీతం, నృత్యమే ప్రాణంగా జీవిస్తుంది. ప్రభాస్‌ కొన్ని సన్నివేశాల్లో దేవానంద్‌ మేకప్‌లో కనిపిస్తాడు.