ప్రభాస్ ఫ్యాన్స్ కొంచెం ఆగండి.. క్రేజీ న్యూస్, 2019లో అని తేల్చేశాడు!

సాహో విడుదల ఖరారు

బాహుబలి తర్వాత ప్రభాస్ నుంచి ఒక్క చిత్రం కూడారాలేదు. సాహో చిత్రీకరణ ఇంకా కొనసాగుతూనే ఉంది. ఇటీవల చిత్ర యూనిట్ అభిమానులు ఎప్పటినుంచో ఎదురుచూస్తున్న ప్రభాస్ సాహో విడుదల తేదీ ప్రకటించారు. వచ్చే ఏడాది ఆగష్టు 15న సాహో చిత్రాన్ని విడుదల చేయబోతున్నట్లు ప్రకటించిన సంగతి తెలిసిందే. 200 కోట్ల భారీ బడ్జెట్ తో తెరక్కుతున్న ఈ చిత్రంపై కనీవినీ ఎరుగని రీతిలో అంచనాలు ఉన్నాయి.

తొందరపడకండి

సాహో విడుదల తేదీతో అభిమానులు సంతృప్తి చెందడం లేదు. దర్శకుడు రాధాకృష్ణని కూడా ఇబ్బంది పెట్టేస్తున్నారు. ప్రభాస్ 20వ చిత్రంగా తెరకెక్కుతున్న ఈ ప్రేమ కథ గురించి అప్డేట్ ఇవ్వాలని సోషల్ మీడియాలో పోస్ట్ లు పెడుతున్నారు. అభిమానులు ఉత్సాహాన్ని ఆపలేకపోయిన రాధాకృష్ణ ఈ చిత్రం గురించి ఆసక్తికర విషయాన్ని వెల్లడించాడు. 1960 నాటి పరిస్థితుల నేపథ్యంలో అద్భుతమైన ప్రేమ కథగా ఈ చిత్రం తెరకెక్కుతోంది.

2019కి పక్కా

ప్రభాస్ 20వ చిత్ర షూటింగ్ శరవేగంగా జరుగుతోంది. ఈ చిత్రాన్ని 2019 చివరినాటికి ఎట్టిపరిస్థితుల్లో పూర్తి చేస్తాం. ఇంకా చాలా విశేషాలు ఉన్నాయి. ప్రభాస్ అభిమానులు తొందర పడకండి. అన్ని ఆసక్తికరమైన విశేషాలు సరైన సమయం వచ్చినప్పుడు రివీల్ చేస్తాం అని రాధాకృష్ణ తెలిపారు. ఈ చిత్రంలో ప్రభాస్ కు జోడిగా పూజ హెగ్డే నటిస్తోంది. పాతకాలం నాటి కార్లని ఇష్టపడే ధనవంతుడి పాత్రలో ప్రభాస్ ఈ చిత్రంలో కనిపిస్తాడట.

వైరల్ అవుతున్న రూమర్

ఈ చిత్రం గురించి క్రేజీ రూమర్ కూడా వినిపిస్తోంది. ఈ చిత్రంలో వచ్చే ప్లాష్ బ్యాక్ సన్నివేశాల్లో ఓ హీరోయిన్ పాత్రకు ఆస్కారం ఉందట. ఆ పాత్ర కోసం అనుష్కని సంప్రదిస్తున్నట్లు తెలుస్తోంది. ప్రభాస్, అనుష్క సూపర్ హిట్ జోడి. ఈపాత్రకు అనుష్క అయితే బావుంటుందని దర్శకుడు కూడా భావిస్తున్నాడని సమాచారం. దీనిగురించి అధికారికంగా ప్రకటన రావాల్సి ఉంది.