Don't Miss!
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- News Ys Jagan Attack case: జగన్ పై రాయి దాడి కేసులో మరో కీలక పరిణామం..!
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
- Technology మే 7 న Apple 'Let Loose' ఈవెంట్! ఏ యే గాడ్జెట్లు లాంచ్ కాబోతున్నాయి? వివరాలు
- Finance IT News: రిక్రూట్మెంట్ రూటు మార్చిన ఇన్ఫోసిస్.. టాటా Elxsi న్యూ హైరింగ్..
- Sports ధోనీకి కోపం వచ్చింది.. భయపడిన కెమెరామెన్ Video
- Automobiles 'కావ్య మారన్' ఖరీదైన కార్లు ఇవే! ఇక్కడ చూడండి
క్రియేటివ్ కమర్షియల్స్తో ప్రభాస్, పూరి
మెగాస్టార్ చిరంజీవికి ఛాలెంజ్, అభిలాష, రాక్షసుడు, మరణమృదంగం వంటి సూపర్ హిట్స్ ఇచ్చిన సంస్థ క్రియేటివ్ కమర్షియల్స్ ఇటీవలి కాలంలో వరుస వైఫల్యాలను చవిచూస్తోంది. దీనితో కొద్దికాలం గ్యాప్ తీసుకున్న ప్రముఖ నిర్మాత, క్రియేటివ్ కమర్షియల్స్ అధినేత కె.ఎస్.రామారావు ఒక భారీ చిత్రాన్ని నిర్మించేందుకు సన్నాహాలు ప్రారంభించారు.
పూరీ జగన్నాథ్ దర్శకత్వంలో, ప్రభాస్ హీరోగా ఆయన ఒక చిత్రాన్ని నిర్మిస్తున్నట్టు ప్రకటించారు. ప్రభాస్ పుట్టినరోజు వేడుక పురస్కరించుకుని అక్టోబర్ 23న ఈ చిత్రానికి సంబంధించి దర్శకుడు పూరీ జగన్నాథ్ విలేఖరులకు వివరాలు తెలుపుతూ - ముందుగా ప్రభాస్కు పుట్టినరోజు శుభాకాంక్షలు. గతంలో ఎన్నో విజయవంతమైన చిత్రాలు నిర్మించిన క్రియేటివ్ కమర్షియల్స్ పతాకంలో ఓ సినిమా చేసే అవకాశం రావడం చాలా ఆనందంగా ఉంది - అన్నారు.
ప్రభాస్తో చిత్రం వచ్చే సంవత్సరం ఉంటుందని, సబ్జెక్ట్ కూడా సిద్ధమైందని పూరీ తెలిపారు. ఈ చిత్రంలో ప్రభాస్ క్యారెక్టరైజేషన్ చాలా విభిన్నంగా ఉండబోతోందన్నారు. మెగాస్టార్ తనయుడు రామ్చరణ్ తేజతో అశ్వినీదత్ నిర్మించే చిత్రం తరువాత ప్రభాస్ డేట్స్ బట్టి ఆ చిత్రం షెడ్యూల్ మొదలవుతుందని దర్శకుడు పూరీ జగన్నాథ్ తెలియజేశారు.