అక్కినేనికి ప్రభాస్, బన్నీ, రానా, వెంకీ నివాళి (ఫోటోలు)

By Bojja Kumar

Published: Wednesday, January 22, 2014, 19:41 [IST]

హైదరాబాద్: తెలుగు సినిమా లెజెండ్ అక్కినేని నాగేశ్వరరావు భౌతిక కాయానికి నివాళులు అర్పించేందుకు యువ హీరోలు ప్రభాస్, రానా, గోపీచంద్, అల్లరి నరేష్, రామ్, అల్లు అర్జున్‌తో పాటు వెంకటేష్, కోట శ్రీనివాసరావు, బ్రహ్మానందం, మోహన్ బాబు తదితరులు అన్నపూర్ణ స్టూడియోకు చేరుకున్నారు. అందుకు సంబంధించిన దృశ్యాలు స్లైడ్ షోలో వీక్షించండి.

వెండితెరపై తన నటనతో దశాబ్దాలపాటు తెలుగువారిని అలరించిన 'నట సామ్రాట్‌'.. 'దాదాసాహెబ్‌ ఫాల్కే అవార్డు గ్రహీత' అక్కినేని నాగేశ్వరరావు పరమపదించారు. మంగళవారం అర్ధరాత్రి దాటాక ఆయన వూపిరి తీసుకోవడానికి ఇబ్బంది పడుతుండటంతో కుటుంబ సభ్యులు 2.45 గంటల సమయంలో బంజారాహిల్స్‌లోని కేర్‌ ఆస్పత్రికి తీసుకువచ్చారు. వెంటనే వైద్యులు ఎమర్జెన్సీకి తరలించి ఆక్సిజన్‌ పెట్టారు. తరువాత పదినిమిషాలకే ఆసుపత్రికి వచ్చిన డా.సోమరాజు వైద్యుల బృందంతో కలసి పరిశీలించారు. అప్పటికే శ్వాస ఆగిపోవటంతో ఆయన చనిపోయినట్లు కుటుంబసభ్యులకు తెలిపారు.

అక్కినేని అంత్య క్రియలు గురువారం జరుగనున్నాయి. రాష్ట్ర ప్రభుత్వం అధికారిక లాంఛనాలతో అక్కినేని అంత్యక్రియలు నిర్వహించేందుకు ఏర్పాట్లు చేస్తున్నట్లు తెలుస్తోంది.