Don't Miss!
- News అష్టదిగ్బంధనం - బీఆర్ఎస్ భవిష్యత్ పై కేటీఆర్ కీలక వ్యాఖ్యలు..!!
- Lifestyle Lok Sabha Election 2024:మరో 3 నెలల్లో పట్టాభిషేకం ఎవరికి? జ్యోతిష్యం ఏ పార్టీకి స్ట్రాంగ్ గా సపోర్ట్ చేస్తోంది
- Automobiles కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి వీడియో
- Finance Essential Medicines: ఏప్రిల్ 1 నుంచి పెరగనున్న అవసరమైన ఔషధాల ధరలు..
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
యంగ్ రెబల్ స్టార్ ప్రభాస్ ‘వీరబలి’
హైదరాబాద్: యంగ్ రెబల్ స్టార్ ప్రభాస్ హీరోగా రాఘవ లారెన్స్ తెరకెక్కించిన చిత్రం ‘రెబల్'. ఈ చిత్రాన్ని తమిళ్ లో ‘వీరబలి' అనే టైటిల్ తో డబ్ చేస్తున్నారు. కాంచన, గంగ సినిమాలతో లారెన్స్ బాగా పాపులర్ అయ్యారు. బాహుబలి తర్వాత తమిళంలో ప్రభాస్ కు ఫాలోయింగ్ మరింత ఎక్కువయింది. ఈ నేపథ్యంలో ‘వీరబలి' మంచి ఫలితాలు సాధిస్తుందని ఆశిస్తున్నారు. తెలుగులో ‘రెబల్' ప్రభాస్ కెరీర్లోనే భారీ పరాజయం చవిచూసిన చిత్రంగా నిలిచిన సంగతి తెలిసిందే.
ఆ సంగతి పక్కన పెడితే..బాహుబలి తర్వాత ప్రభాస్ చుట్టూ రకరకాల వార్తలు చక్కర్లు కొడుతున్నాయి. ప్రభాస్ తో సినిమాలు చేయడానికి బాలీవుడ్ ఫిల్మ్ మేకర్లు పోటీ పడుతున్నారని, ఆయన త్వరలో ధూమ్-4లో నటించే అవకాశం ఉందనే వార్తలు జాతీయ మీడియాలో చక్కర్లు కొడుతున్నాయి. దీంతో పాటు కరణ్ జోహార్ కూడా ప్రభాస్ తో భారీ ప్రాజెక్టు ప్లాన్ చేస్తున్నట్లు వార్తలు వినిపిస్తున్నాయి. మరి ఇందులో నిజం ఎంతో తేలాల్సి ఉంది.
ప్రస్తుతం ప్రభాస్ బాహుబలి-2 సినిమా షూటింగుకు సిద్ధమవుతున్నాడు. ఈ చిత్రం రెగ్యులర్ షూటింగ్ డిసెంబర్ 2015న మొదలు కానుంది. ఈ సినిమా వచ్చే ఏడాది చివరకల్లా విడుదలయ్యే అవకాశం ఉంది. ఇవి తప్ప ప్రభాస్ ఇప్పటి వరకు ఏ ఇతర ప్రాజెక్టులు కూడా అఫీషియల్ గా కమిట్ కాలేదు.
బాహుబలి పార్ట్ 2 కూడా భారీ విజయం సాధిస్తే ప్రభాస్ ఇక ప్రాంతీయ స్థాయిలో కాకుండా.... జాతీయ స్థాయిలో సినిమాలు చేయడానికే ఎక్కువ ప్రాధాన్యత ఇచ్చే అవకాశం ఉంది. ప్రభాస్ దేహ దారుఢ్యం, సూపర్బ్ లుక్స్, దక్షిణాదిలో ఫాలోయింగ్, బాహుబలి తర్వాత బాలీవుడ్లోనూ ఫాలోయింగ్, వీటన్నింటికీ మించి అదిరిపోయే పెర్ఫార్మెన్స్ ప్రభాస్ ప్లస్ పాయింట్స్. ప్రభాస్ ధూమ్-4 మూవీకి పర్ ఫెక్టుగా సెట్ అవుతాడని అంటున్నారు.