హోమ్

న్యూస్

యంగ్ రెబల్ స్టార్ ప్రభాస్ ప్రస్తుతం సాహో చిత్రంతో బిజీగా గడుపుతున్నాడు. భారీ యాక్షన్ చిత్రంగా రూపొందుతున్న ఈ చిత్రం దాదాపు 150 కోట్ల బడ్జెట్ లో తెరకెక్కుతోంది. ప్రభాస్ బాహుబలి తరువాత చేస్తున్న చిత్రం కావడంతో భారీ అంచనాలు నెలకొని ఉన్నాయి. అందుకు తగ్గట్లుగానే కళ్ళు చెదిరే యాక్షన్ సన్నివేశాలు చిత్రీకరిస్తునట్లు తెలుస్తోంది. ప్రస్తతం సాహో చిత్ర యూనిట్ దుబాయ్ లోని బుర్జ్ ఖలీఫా వద్ద షూటింగ్ జరుపుకుంటోంది.

సాహో చిత్రం ఎప్పటికి పూర్తవుతుందో ఇంకా క్లారిటీ రావడంలేదు. సాహో చిత్ర విడుదలకు ఇంకా సమయం పెట్టె అవకాశాలు కనిపిస్తున్నాయి. ఇదిలా ఉండగా జులై 7 న ప్రభాస్ కొత్త చిత్రాన్ని ప్రారంభించనున్నాడు. జిల్ ఫేమ్ రాధాకృష్ణ దర్శకత్వంలో ఈ చిత్రం రూపొందనుంది. రెబల్ స్టార్ కృష్ణంరాజు స్వయంగా ఈ చిత్రాన్ని నిర్మించనుండడం విశేషం.

సాహి చిత్రం విడుదల ఆలస్యమైతే ఆలోపు ఈ చిత్రాన్ని పూర్తిచేసి ప్రభాస్ అభిమానులకు కానుకగా అందించే అవకాశాలు కనిపిస్తున్నాయి. బాహుబలి 2 విడుదలై ఏడాది గడుస్తున్నా ప్రభాస్ నుంచి మరో చిత్రం విడుదల కాలేదు. రాధా కృష్ణ దర్శకత్వం వహించే చిత్రంలో హాట్ బ్యూటీ పూజా హెగ్డే హీరోయిన్ గా నటించనుంది.