క్రేజీ న్యూస్..ప్రభాస్‌ని ఎట్టకేలకు ఒప్పించారు.. త్వరలోనే!

సోషల్ మీడియా యుగం

ప్రస్తుతం సోషల్ మీడియా యుగం నడుస్తోంది. సాధారణ మీడియా మాధ్యమాల కంటే వేగంగా సోషల్ మీడియాలో సమాచారం తెలిసిపోతోంది. చాలా మంది సెలెబ్రటీలు, తారలు అభిమానులకు చేరువగా ఉండేదుకు ఈ సామజిక మాధ్యమాలనే వేదికగా ఎంచుకుంటున్నారు. కానీ ప్రభాస్ మాత్రం మీడియాకు దూరంగా ఉండే వ్యక్తి. అందుకే ప్రభాస్ కు పేస్ బుక్ లో తప్ప మరే ఇతర సామజిక మాధ్యమాలలో అకౌంట్స్ లేవు.

అభిమానుల డిమాండ్

బాహుబలి తర్వాత ప్రభాస్ జాతీయస్థాయిలో క్రేజీ హీరోగా మారిపోయారు. దేశవ్యాప్తంగా ప్రభాస్ కు అభిమానులు ఏర్పడ్డారు. వీరందరి నుంచి ఒక్కటే డిమాండ్.. ప్రభాస్ ట్విట్టర్, ఇంస్టాగ్రామ్ లాంటి సోషల్ మీడియాలలోకి రావాలి అని. అభిమానుల డిమాండ్ కు ప్రభాస్ ఎట్టకేలకు ఓకే చెప్పినట్లు తెలుస్తోంది. ప్రభాస్ త్వరలో ఇంస్టాగ్రామ్ అకౌంట్ ప్రారంభించబోతున్నట్లు తెలుస్తోంది.

సాహో విడుదల కంటే ముందే

ప్రభాస్ ని పేస్ బుక్ ఖాతాకు 10 మిలియన్ల మంది ఫాలోవర్స్ ఉన్నారు. దీనిని బట్టేఆ అర్థం అవుతోంది.. ప్రభాస్ ని సోషల్ మీడియాలో ఫాలో కావడానికి అభిమానులు ఎంతలా ఇష్టపడుతున్నారో అని. సాహో చిత్ర విడుదలకు ముందు ప్రభాస్ తన ఇంస్టాగ్రామ్ ఖాతాని ప్రారంభించనున్నట్లు వార్తలు వస్తున్నాయి. తమ అభిమాన హీరోని ఇంస్టాగ్రామ్లో ఫాలో అయ్యేందుకు ప్రభాస్ ఫాన్స్ సిద్ధంగా ఉన్నారు.

ఆగష్టు 15న విడుదల

ఇదిలా ఉండగా సాహో చిత్రం దాదాపు 200 కోట్ల బడ్జెట్ లో హాలీవుడ్ స్థాయిలో తెరకెక్కుతోంది. ఇప్పటికే విడుదలైన షేడ్స్ ఆఫ్ సాహో వీడియోలకు ప్రేక్షకుల నుంచి అద్భుతమైన స్పందన వచ్చింది. ఈ చిత్రంలో ప్రభాస్ సరసన బాలీవుడ్ హీరోయిన్ శ్రద్దా కపూర్ నటిస్తోంది. సాహో చిత్రం ఆగష్టు 15న ప్రేక్షకుల ముందుకు రానుంది. ప్రభాస్ రాధాకృష్ణ దర్శత్వంలోని చిత్రాన్ని కూడా ప్రారంభించాడు. ఈ చిత్రంలో పూజా హెగ్డే హీరోయిన్.