twitter
    For Quick Alerts
    ALLOW NOTIFICATIONS  
    For Daily Alerts

    ప్రభుదేవా 'ముక్కాలా ముకాబులా...' మరోసారి

    By Srikanya
    |

    హైదరాబాద్ : 'ముక్కాలా ముకాబులా...' అంటూ ప్రభుదేవా 'ప్రేమికుడు' చిత్రంలో చేసిన స్టెప్స్ ని ప్రేక్షకులు మరచిపోలేరు. అప్పట్లో అదో సెన్సేషన్. ప్రేమికుడు చిత్రం విజయంలో మేజర్ షేర్ ఆ పాటదే అని చెప్పాలి. అలాగే ఆ బాణి ఎ.ఆర్‌.రెహమాన్‌ ది. ఇటీవలే ప్రభుదేవా 'ఎ.బి.సి.డి.' (ఎనీబడీ కెన్‌ డ్యాన్స్‌) అనే హిందీ చిత్రంలో ప్రధాన పాత్ర పోషించారు. రెమో దర్శకుడు. అందులో 'ముక్కాలా...' గీతాన్ని ఉపయోగించుకున్నారు. ఇందుకు సంబంధించిన హక్కులు తీసుకున్నట్లు దర్శకుడు తెలిపారు.

    ఇక ప్రభుదేవా ప్రస్తుతం మహేష్ బాబు-సుకుమార్ కాంబినేషన్లో సినిమా రూపొందుతున్న చిత్రానికి పనిచేయబోతున్నారు. ఈ చిత్రంలోని పాటలకు నృత్య దర్శకత్వం ప్రభుదేవా చేయబోతున్నాడు. ఈ చిత్రంలో మహేష్ బాబు రాక్ స్టార్ గా కనిపించనున్న నేపథ్యంలో..... రాక్ స్టార్ పాత్రకు ముడి పడి ఉన్న రెండు పాటలకు ప్రభుదేవా నృత్య దర్శకత్వం చేయబోతున్నారు. ఈ పాటల్లో డాన్స్ కు అధిక ప్రాధాన్యత ఉండటంతో టాప్ కొరియోగ్రాఫర్ అయిన ప్రభుదేవాను దర్శకుడు సుకుమార్ సంప్రదించడంతో వెంటనే ఓకే చేసారని సమాచారం.

    'రౌడీరాథోడ్‌'తో హిట్ కొట్టిన ప్రభుదేవా తాజాగా 'నువ్వొస్తానంటే నేనొద్దంటానా'చిత్రం హిందీలోకి రామయ్య వస్తావయ్యా అనే టైటిల్ తో రీమేక్ చేస్తున్నారు. ఈ చిత్రంలో త్రిష చేసిన పాత్రకు గానూ శృతి హాసన్ ని ఎంపిక చేసారు. ఈ విషయమై ప్రభుదేవా మాట్లాడుతూ...మేము ఈ చిత్రం కోసం కొత్త అమ్మాయిని అనుకున్నాము. అయితే శృతి హాసన్ బెస్ట్ ఛాయిస్ అనిపించింది అని చెప్పారు. ప్రస్తుతం ప్రభుదేవా ముంబైకి మకాం మార్చారు. బోనీకపూర్ ఖాళీ చేసిన వారి ఇంట్లో ఉంటున్నాడు.

    ప్రభుదేవా వరసగా హిందీలో రీమేక్ లు చేసుకుంటూ దూసుకుపోతున్న సంగతి తెలిసిందే. మొన్న విక్రమార్కుడు రీమేక్ గా 'రౌడీరాథోడ్‌'రూపొందించి సూపర్ హిట్ కొట్టారు. ఇప్పుడు అతని దృష్టి తెలుగులో ఘన విజయం సాధించిన 'నువ్వొస్తానంటే నేనొద్దంటానా'పై పడింది. త్రిష,సిద్దార్ద కాంబినేషన్ లో ఎమ్.ఎస్ రాజు నిర్మాతగా ప్రభుదేవా దర్శకత్వంలో రూపొందిన ఈ చిత్రం ఇక్కడ ఘన విజయం సాధించింది. దాంతో హిందీలోనూ ఈ సినిమా వర్కవుట్ అవుతుందని భావించి చేస్తున్నారు.హిందీ రీమేక్‌కి కుమార్‌ తరౌనీ నిర్మాతగా వ్యవహరిస్తారు. ఈ సినిమాతో ఆయన కుమారుడు గిరీష్‌ హీరోగా పరిచయం కాబోతున్నారు.

    English summary
    
 Prabhu Deva who created sensation with 'Mukkala Mukabla' song from Shankar's 'Premikudu' is all set to entertain once again with his breathtaking moves in his upcoming film 'ABCD'(Any Body Can Dance)'. Remo is the director for the film. The film makers have bought the rights for the song.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X