Don't Miss!
- News ఘోర ప్రమాదం: లారీని ఢీకొనడంతో చిన్నారి సహా ఆరుగురు మృతి
- Sports SRH vs RCB: ఫుల్ టాస్కు ఔటైన మార్క్రమ్.. నవ్వు ఆపుకోలేకపోయిన కోహ్లీ!వీడియో
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ప్రకాష్రాజ్కు తప్పిన ప్రమాదం... గాయాలు
హైదరాబాద్ : ప్రముఖ నటుడు ప్రకాష్రాజ్ రోడ్డు ప్రమాదానికి గురయ్యారు. మంగళవారం రాత్రి హైదరాబాద్ హైటెక్సిటీ ప్రాంతంలో ఆయన ప్రయాణిస్తున్న కారును ప్రైవేటు బస్సు ఢీకొంది. ప్రకాష్రాజ్ కాళ్లు, చేతులకు గాయాలయ్యాయి. ప్రమాదంలో ఆయన కారు, దాని పక్కనున్న ఆటో పాక్షికంగా ధ్వంసమయ్యాయి. ఆటోలోని ప్రయాణికులు రోడ్డుపై పడ్డారు. ప్రమాదం జరిగిన చోట యువకులు తీరు పట్ల ప్రకాష్రాజ్ అసహనం వ్యక్తం చేశారు.
ఈ ప్రమాదంలో ఆటోలో ఉన్న చిన్నారి అక్షయకు స్వల్ప గాయమైంది. అనంతరం ఆటోడ్రైవర్తోపాటు ప్రకాశ్రాజ్ స్థానిక పోలీసుస్టేషన్లో ఫిర్యాదు చేశారు. ప్రమాదం జరిగిన వెంటనే తాను కొంత సేపు షాక్కు గురయినట్టు ప్రకాశ్రాజ్ తన ట్విట్టర్ ఖాతాలో తెలిపారు. ప్రమాదస్థలిలో కొందరు యువకులు స్పందించకుండా కేవలం ఫొటోలు తీసుకోవడంపై ఆయన ఆవేదన వ్యక్తంచేస్తూ ట్వీట్ చేసారు.
ప్రకాష్ రాజ్ మాట్లాడుతూ ''ప్రాణాపాయం నుంచి త్రుటిలో తప్పించుకొన్నాను. కాళ్లు చేతులకు చిన్న గాయాలయ్యాయి. అక్కడి యువత స్పందించిన తీరు మనసును బాధపెట్టింది. ఆటోలోని ప్రయాణికులు రోడ్డుపై పడ్డారు. వాళ్లను కాపాడాల్సిందిపోయి ఎవరికివాళ్లు సెల్ఫోన్లతో ఫొటోలు తీస్తూ కనిపించారు. నాకు ప్రమాదం జరిగిందన్న విషయం కంటే మానవత్వం లేకుండా ఫొటోలు తీస్తున్నవాళ్లను చూశాక ఎక్కువ భయమేసింది. సాంకేతికత ఎందుకు ఉపయోగపడుతోందో? మనం ఎక్కడికెళుతున్నామో అర్థం కావడం లేదు''అని అన్నారు.