ప్రీతీ జింతాకీ తప్పలేదు...

By Staff

Published: Wednesday, March 11, 2026, 12:27 [IST]

పేరున్న హీరోయిన్ లు ఫేడవుట్ అవుతున్న దశలో ఐటం గర్ల్ గా అవతారమెత్తుతారనే సత్యాన్ని ఈ మధ్య ప్రతీ ఒక్కరూ నిరూపిస్తున్నారు. దానిని బలపరుస్తూ ఆ మధ్య వరకూ వరస సినిమాలు చేసి బాలీవుడ్ ని ఒక ఊపు ఊపిన ప్రీతి జింతా ఇప్పుడు రంగం లోకి దూకుతోంది. సోహెల్ ఖాన్ 'మైన్ అవురు మిసెస్ ఖన్నా' చిత్రంలో ఆమె ఐటం సాంగ్ చేయబోతోంది. ప్రేమ్ సోనీ దర్శకత్వంలో రూపుదిద్దుకుంటున్న ఈ చిత్రంలో సల్మాన్ ఖాన్,కరీనా కపూర్ హీరో,హీరోయిన్లుగా చేస్తున్నారు.

కానీ ఈ విషయాన్ని ప్రీతి ఒప్పుకోవటం లేదు. ఆ పాటను మీరు ఐటం సాంగ్ గా భావంచకూడదని చెప్తోంది.కథలో ఒక భాగంగా ఆ పాట వస్తుందనీ,ప్రాధాన్యత ఉన్న పాత్ర లాగానే ఈ సాంగ్ కూడా ప్రత్యేక స్కీమ్ లో ఉంటుందని చెప్తోంది. గతంలో సల్మాన్,ప్రీతీ జంటగా చేసిన సినిమాలు..హర్ దిల్ జో ప్యార్ కరేగా,చోరీ చోరీ చుప్కే,జాన్-ఇ-మాన్ సక్సెస్ అవటం తో మళ్ళీ ఆ మ్యాజిక్ రిపీట్ చెయ్యాలని సల్మాన్ ఈ నిర్ణయం తీసుకున్నాడని తెలుస్తోంది. సెప్టెంబర్ లో ఈ సినిమా ప్రేక్షకుల ముందుకు రానుంది.

More from Filmibeat