నా బికినీ షోనే ముందు

By Staff

Published: Tuesday, February 17, 2009, 15:46 [IST]

తెలుగు సినిమా తెరపై బికినీ పోటీ రసవత్తరంగా జరుగుతోంది. బయిటకు వచ్చిన సమాచారం ప్రకారం అనుష్క, ప్రియమణి ఆ పోటీలో ఉన్నారు. అనుష్క తమిళ బిల్లా లో నయనతార చేస్తున్న పాత్ర చేస్తూ బికినీ వేసుకుని అభిమానులను అలరించనుంది. అది తెలుసుకున్న ప్రియమణి వెంటనే అందరికన్నా ముందు తానే బికినీ లో కనపడచానంటూ రంగంలోకి దిగింది. నితిన్ సరసన ద్రోణలో హాట్..హాట్ గా కనిపించటానికి రెడీ అయింది. రాజమౌళి శిష్యుడు జె.కరుణకుమార్ దర్శకత్వంలో డి.ఎస్.రావు 'ద్రోణ' చిత్రాన్ని నిర్మిస్తున్నారు. ఇందులో ప్రియమణి బికినీ షో చేయనుందని మొదట్నించీ ప్రచారంలో ఉన్నా ప్రియమణితో సహా ఎవరూ మీడియా వద్ద నోరు విప్పలేదు. అయితే ఈ వారం రిలీజ్ కావంటంతో ఇప్పుడిప్పుడే బికినీ పబ్లిసిటీ మొదలుపెట్టారు. ఇదే క్రమంలో పబ్లిసిటీ పోస్టర్లోనూ బికినీని వేసి జనాల్ని ఎట్రాక్ట్ చేసే యోచనలో ఉన్నారు.

ఇత తమిళ 'బిల్లా' చిత్రంలో నయనతార తొలిసారి బికినీ వేసుకుని బాక్సాఫీస్ ని మాయ చేసింది. నిర్మాతలు రెండు చేతులతోనూ డబ్బులు దండుకుంటే, నయనతార ఒక్కసారిగా కోటి రూపాయల పారితోషికం డిమాండ్ చేసే స్థాయికి ఎదిగిపోయింది. ఆమె వాడిన బికినీ వేలంపాటలో లక్ష రూపాయలకు ఎగరేసుకుపోయారు. దాంతో ఇది గమనించిన హీరోయిన్స్ అంతా బికినీ ప్రదర్శనతో అద్బుతాలు జరుగుతాయనే నిర్ణయానికి వచ్చారు. అది ఎంత స్ధాయికెళ్ళిందంటే...ఈ మధ్య ఓ స్టార్ హీరోయిన్ తాను బికినీలో కన్పిస్తానని పట్టుబట్టింది. అయితే దర్శక, నిర్మాతలు మీ శరీరాన్ని ఎక్సపోజ్ చేస్తే చూడటం కష్టం అని గౌవరంగా చెప్పి బ్రతిమాలి ఆపుచేసారు. సినిమాలో మీ క్యారెక్టరైజేషన్ చాలా గొప్పగా ఉంటుంది.. బికినీ సూటవదు..అని చెప్పుకొచ్చారుట. అలా ఉన్నాయి బికినీ కష్టాలు. ఇక ప్రియమణి బికినీ సీన్ కనుక క్లిక్ అయితే మరికొంత మంది ముధ్దు గుమ్మలు క్యూ కట్టడంలో సందేహం లేదు.

More from Filmibeat