నితిన్ ని సేవ్ చేయని బికినీ!!

By Staff

| Published: Friday, February 20, 2009, 19:18 [IST]

నితిన్, ప్రియమణి జంటగా రాజమౌళి శిష్యుడు కరుణాకర్ రూపొందించిన ద్రోణ చిత్రం ప్రేక్షకులను ఆకట్టుకోవటంలో విఫలమవుతుందోనని సమాచారం. అందులోనూ మొదటి నుంచి ఈ సినిమాకి ప్రియమణి బికినీ షోనే ప్రధాన ఆకర్షణ అంటూ విపరీతమైన ప్రచారం చేసారు. అయితే ఆ ట్రిక్ అంతగా వర్కవుట్ కాలేందంటున్నారు. ఎలాగో పోస్టర్స్ పై ప్రియమణి బికినీ స్టిల్ చూసాం కదా మళ్ళీ వెళ్ళి ధియోటర్లో భరించాలా అంటున్నారు. ఇక మరో ప్రక్క బాలీవుడ్ ఐటం గర్ల్ రాఖీ సావంత్ కూడా ఈ చిత్రంలో ఓ ప్రత్యేక పాటను ఎక్సపోజింగ్ చేస్తూ నర్తించింది. అయితీ అదీ పాట బాగోకపోవటంతో పెద్ద ఆసక్తి రేపటం లేదంటున్నారు.

దర్శకుడు దృష్టి మొత్తం కథ కన్నా..ప్రియమణిని ఎట్లా చూపుదామా, నితిన్ ఫైట్స్ లో ఏమన్నా స్పెషాలిటీ చూపెడదామా అనే వాటిపై ఉండటం మైనస్ అంటున్నారు. ఇక కథలో నితిన్ చిన్నప్పుడే ఓ తప్పు చేసి పోలీస్ కమీషనర్ (ముఖేష్ రుషి)అయిన తండ్రికి భయపడి ఇంట్లోంచి పారిపోతాడు. పెద్దయ్యాక తిరిగివస్తాడు. అయితే అప్పటికే అతను ఓ దొంగగా ఎదుగుతాడు. ఓ సుముహ్తాన్న ఇంటికి వస్తాడు. ఈ స్ధితిలో నేనే మీ కొడుకుని అంటూ తండ్రికి నిజం చెప్పలేక పోతాడు.

అలాగే అతని తల్లి (సీత) గత పది సంవత్సరాలుగా కొడుకుకోసం ఎదురుచూస్తూ ప్రక్కింటి ప్రియమణితో ఏదో రోజు నా కొడుకు తిరిగి వస్తాడని చెప్తూంటుంది. ఇక ప్రియమణి...అతనే...వారి కొడుకని కనిపెట్టినా చెప్పలేకపోతుంది. ఇలా వీరందరి మధ్యా జరిగే మానసిక సంఘర్షణతో కథనం నడుస్తుంది. ఇంతకీ నితిన్ ఇంట్లోంచి ఎందుకు పారిపోయాడూ అంటే అతన్ని విలన్ కిడ్నాప్ చేసాడు కాబట్టి. ఇక ఈ సెంటిమెంట్ కథను ప్రియమణి బికినీ షో బ్రతికించటం కష్టమేనంటున్నారు.