Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రివేంజ్ స్టోరీ ('చండీ' ప్రివ్యూ)
హైదరాబాద్: ప్రియమణి మరో హీరోయిన్ ఓరియెంటెడ్ సినిమాకి రెడీ అవుతుంది. చారులత క్షేత్రం వంటి సినిమాలో లేడీ ఓరియెంటెడ్ పాత్రలు చేసిన ప్రియమణి చండి అనే మరో లేడీ ఓరియెంటెడ్ సినిమా చేస్తుంది. వి. సముద్ర డైరెక్షన్లో రానున్న ఈ సినిమా కథ వినగానే ప్రియమణి వెంటనే అంగీకరించింది అని దర్శకుడు చెప్పారు. పంచాక్షరి తరువాత వి. సముద్ర చేస్తున్న లేడీ ఓరియెంటెడ్ సినిమా ఇదే. ఈ సినిమా కోసం ప్రియమణి విలు విద్య, గుర్రపు స్వారీ నేర్చుకుంటుంది. ఒమిక్స్ బ్యానర్ పై శ్రీను బాబు నిర్మించిన ఈ సినిమాకి ఎస్.ఆర్ శంకర్, చిన్న సంగీతం అందిస్తున్నారు. ఈ చిత్రం ఈ రోజే విడుదల అవుతోంది.
"రాజకీయ నాయకుల కబంధ హస్తాల్లో నలిగిపోతున్న ప్రజల్ని కాపాడిన ధీర వనిత 'చండీ'. ప్రతి మహిళకూ ధైర్యాన్నిచ్చే సినిమా అవుతుంది. నాయిక ప్రధాన చిత్రాల్లో కొత్త ఒరవడిని సృష్టిస్తుందనే నమ్మకం ఉంది'' అని చెప్పారు సముద్ర. ఇది ప్రతీకార కథాచిత్రం. తనకూ, తన ఊరికీ జరిగిన అన్యాయానికి ఓ యువతి ఎలా ప్రతీకారం తీర్చుకున్నదేనేది ఇందులోని ప్రధానాంశం. అల్లూరి సీతారామరాజు ప్రేరణతో చండీ పాత్రను మలిచి ఈ సినిమా తీశాం. ఇందులో అల్లూరి వారసునిగా అశోకగజపతిరాజుగా కృష్ణంరాజు, ఆయన కూతురు చండీగా ప్రియమణి కనిపిస్తారు. అల్లూరి సీతారామరాజుగా దివంగత ఎన్టీఆర్ను చూపించాం. ఆయన తెరమీద కనిపించినప్పుడల్లా ఆయన అభిమానులకు పండగే. పవర్ఫుల్ సీబీఐ ఆఫీసర్గా శరత్కుమార్ ఓ కీలక పాత్ర చేశారు. మాస్ ఎంటర్టైనర్గా అద్భుతంగా వచ్చింది సినిమా. ప్రియమణి, కృష్ణంరాజు, శరత్కుమార్ పాత్రలతో పాటు క్లైమాక్స్ ఈ సినిమాకి హైలైట్ అవుతుంది.
'ఖైదీ'లో చిరంజీవిలా, 'సింహా'లో బాలకృష్ణలా, 'గబ్బర్సింగ్'లో పవన్ కల్యాణ్లా, 'దూకుడు'లో మహేశ్లా, 'ఛత్రపతి'లో ప్రభాస్లా కనిపిస్తుంది 'చండీ'. ఆమె పాత్రలో ఇన్ని కోణాల్ని చూపించాం. ఆ పాత్రని గొప్పగా పోషించింది ప్రియమణి. జాతీయ ఉత్తమ నటి అనే దానికి పరిపూర్ణమైన న్యాయం చేసింది. ఈ సినిమాకి హీరో, హీరోయిన్ రెండూ ప్రియమణే. నా హిట్ సినిమాలైన సింహరాశి, శివరామరాజు, మహానంది, ఎవడైతే నాకేంటి, అధినేత వరుసలో 'చండీ' తప్పకుండా చేరుతుంది. నా కెరీర్లో, ప్రియమణి కెరీర్లో గుర్తుండిపోయే సినిమా అవుతుంది. ఈ సందర్భంగా నిర్మాతలకు థ్యాంక్స్ చెప్పుకోవాలి. సాఫ్ట్వేర్ రంగంలో ఉన్నవారు తొలి సినిమాగా 'చండీ'ని నిర్మించారు. కథను నమ్మి ప్రియమణి ఇమేజ్కి మూడు రెట్లు ఎక్కువగా బడ్జెట్ పెట్టారు. సినిమా చూశాక చాలా మంచి సినిమా తీశామని సంతోషపడ్డారు.
'గబ్బర్సింగ్'లోని అంత్యాక్షరిని పేరడీ చేసి పోసాని కృష్ణమురళిపై చిత్రీకరించాం. ఇటీవల పలు చిత్రాల విజయంలో పోసాని కీలక పాత్ర పోషిస్తూ వస్తున్నారు. ఇందులో ఆయన పోలీస్గా వినోదాన్ని పంచుతారు. ఆయనతో పాటు అలీ, తెలంగాణ శకుంతల, సత్యం రాజేశ్, తాగుబోతు రమేశ్, చిత్రం శ్రీను కామెడీని పండించారు. ఆశిశ్ విద్యార్థి, జీవీ, సుప్రీత్, ఆజాద్, సత్య, వినోద్కుమార్ విలన్లుగా నటించారు. కొత్త సంగీత దర్శకుడు యస్.ఆర్. శంకర్ అందించిన బాణీలు ఇప్పటికే అందరినీ అలరిస్తున్నాయి. 'గంగా గంగా', 'అల్లూరి' పాటలతో పాటు 'కెమెరామన్ గంగతో రాంబాబు', 'ఎవడు'లో ఐటమ్ సాంగ్స్ చేసిన స్కార్లెట్ విల్సన్పై చిత్రీకరించిన ఐటమ్ సాంగ్ బాగా అలరిస్తాయి.
సమాజానికి ఎంతో కొంత ఉపయోగపడే అంశాలతోటే మొదట్నించీ నేను సినిమాలు తీస్తూ వస్తున్నా. ఇది కూడా ఆ కోవలోనే ఉంటూ, కుటుంబ సమేతంగా చూడదగ్గ చక్కని సినిమా అవుతుంది. సినిమా చూసిన సెన్సార్ సభ్యులు 'నిర్భయ కనుక ఇందులో మాదిరిగా ఉంటే తనను తాను కాపాడుకునేది. నిజంగా చాలా మంచి సినిమా చూశాం' అని అభినందించినప్పుడు చాలా ఆనందమేసింది.
బ్యానర్
:
ఒమిక్స్
క్రియేషన్స్
నటీనటులు:
ప్రియమణి,కృష్ణం
రాజు,
శరత్
కుమార్,
నాగబాబు,
వినోద్కుమార్,
ఆశిష్
విద్యార్థి,
సుప్రీత్,
జీవి,
ఆలీ,
గిరిబాబు,
ఎం.ఎస్.,
రంగనాథ్,
కాదంబరి
కిరణ్
తదితరులు
సంగీతం:
ఎస్.ఆర్.శంకర్,
చిన్నా,
ఫొటోగ్రఫీ:
వాసు,
ఎడిటింగ్:
నందమూరి
హరి,
కథ,
మాటలు:
కరణం
పి.బాబ్జీ,
సమర్పణ:
జగన్నాథనాయుడు,
నిర్మాత:
జి.శ్రీనుబాబు.
స్క్రీన్
ప్లే,
దర్శకత్వం:
వి.సముద్ర
విడుదల
తేదీ:08,నవంబర్,2013