Don't Miss!
- News Shocking Video: గాల్లో ఢీకొన్న రెండు నేవీ హెలికాఫ్టర్లు-10 మంది స్టాఫ్ దుర్మరణం..!
- Sports CSK vs LSG: అందుకే రచిన్ రవీంద్రను పక్కనపెట్టాం: రుతురాజ్ గైక్వాడ్
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ప్రియాంకచోప్రా లక్కీ ఛాన్స్..87 దేశాల్లో ప్రచారం
ముంబై: బాలీవుడ్ స్టార్ హీరోయిన్, మాజీ ప్రపంచ సుందరి, ప్రియాంక చోప్రా ఒక అంతర్జాతీయ దుస్తుల కంపెనీకి ప్రచార కర్తగా ఎంపిక అయ్యింది. అమెరికాకు చెందిన ప్రముఖ ఫ్యాషన్ దుస్తుల కంపెనీ 'గెస్' ఈ సంవత్సరం తమ దుస్తుల ప్రచారకర్తగా ప్రియాంకా చోప్రాను ఎంచుకుంది. 30 సంవత్సరాల ఈ ఫ్యాషన్ దుస్తుల కంపెనీ చరిత్రలో మొట్టమొదటిసారిగా ఆ వస్త్రాలను ధరించి ప్రచారాన్ని చేసే అదృష్టాన్ని సొంతం చేసుకున్న భారతీయ సుందరి ప్రియాంకానే.
గెస్కంపెనీ తయారు చేసిన దుస్తులను ధరించి ప్రపంచవ్యాప్తంగా 87 దేశాల్లో ప్రచారాన్ని నిర్వహించనున్నదీ బాలీవుడ్ భామ. ఈమెను మొట్టమొదటిసారి చూసినప్పుడే ఆమెలోని ఆత్మవిశ్వాసం, వర్ఛస్సు తనను కట్టి పడవేశాయని, యవ్వనంలో ఉన్నప్పటి సోఫియా లారెన్ను ప్రియాంకా గుర్తుకు తెచ్చిందంటున్నారు గెస్ సంస్ధ సీఈఓ-సహ స్థాపకుడు మార్సీయానో. ఆయా దేశాల్లో ప్రచారం కోసం ప్రియాంకాతో ఫోటో షూట్ను కెనడాకు చెందిన ప్రముఖ గాయకుడు, ఛాయా చిత్రగ్రాహకుడు బ్రాన్ ఆడమ్స్ నలుపు-తెలుపుల్లో తన కెమెరాతో ఒడిసిపట్టాడు.
తనకు ఈ అపూర్వ గౌరవం దక్కడంపట్ల ప్రియాంక చోప్రా ఎంతో సంతోషంగా ఉంది. కంపెనీ రూపొందించిన పలు రకాల డ్రెస్లు, షర్టులు, షూలు ధరించి ప్రచారంలో పాలుపంచుకోబోతోంది ప్రియాంకా. పురాతన హాలీవుడ్ హీరోయిన్ల రూపాన్ని పోలి ఉంది ఫోటో షూట్లలో ప్రియాంకా వస్త్రధారణ, అలంకరణ.
ఇంతకు క్రితం ప్రముఖ అంతర్జాతీయ సూపర్ మోడళ్ళు క్లౌడియా షిపర్, కార్లా బ్రూనీ, ఇవా హెర్జిగోవా, ఆడ్రియానా లిమా, అలిసాండ్రా అంబ్రోసియో, కెటీ అప్టన్, నటి డ్రూ బెర్రిమోర్ వంటి వారు ఈ గెస్ కంపెనీకి ప్రచారకర్తలుగా వ్యవహరించారు.