కోటుకుంటున్న హీరోయిన్

మొన్న సెట్ లో కళ్ళు తిరిగి పడ్డ బాలీవుడ్‌ భామ ప్రియాంక చోప్రా ఆరోగ్య పరిస్థితి బాగానే ఉంది. ముంబై, అంధేరిలోని కోకిలాబెన్‌ హాస్పిటల్‌లో జాయిన్‌ అయిన ఆమెకు పలు పరీక్షలు చేసి అంతా సరిగానే ఉందని డాక్టర్లు ఆమెను ఆసుపత్రి నుంచి డిశ్చార్జ్ చేసారు. అయితే కొద్ది రోజులు మాత్రం ఇంటి పట్టునే ఉండి విశ్రాంతి తీసుకోవాల్సిందిగా ఆమెకు సూచించారు. ప్రియాంక తండ్రి స్వయంగా డాక్టర్‌ కావడంతో ఆమెకు ఇంటి దగ్గరే అవసరమైన వైద్యం అందించనున్నారు.

అశుతోష్‌ గోవరికర్‌ (లగాన్‌ ఫేం) దర్శకత్వంలో ప్రియాంక చోప్రా తాజాగా నటిస్తున్న చిత్రం'వాటీజ్‌ యువర్‌ రాశి?' మే మొదటివారంలో విడుదల చేయవలసి ఉండడంతో గత కొద్ది రోజులుగా ఈ చిత్రం షూటింగ్‌ రాత్రీ పగలూ అనకుండా చేస్తున్నారు. దాంతో ప్రియాంక ఆరోగ్యం కొంచెం పాడయ్యింది. ఈ చిత్రంలో ఈమె ఏకంగా పది పాత్రలు పోషిస్తుండడం తెలిసిందే! ఏదైమైనా సైజ్ జీరో కావాలని భావించి విపరీతమైన జాగ్రత్తలు తీసుకునే హీరోయిన్స్ కీ ఈ తిప్పలు తప్పవు. గతంలో నయనతార కూడా కథానాయుకుడు సెట్ లో ఆర్.ఎఫ్.సి లో కళ్ళు తిరిగి పడిపోయిన సంగతి తెలిసిందే.