చరణ్ ‘తుఫాన్’ ఆడియో వేడుక కళ తప్పనుందా?

హైదరాబాద్: తెలుగు సినిమా పరిశ్రమలో ఈ మధ్య ఆడియో వేడుకలకు ఏ రేంజిలో ప్రాధాన్యత పెరిగి పోయిందో కొత్తగా చెప్పాల్సిన పని లేదు. ఆడియో వేడుక జరిగే తీరు, విడుదలైన పాటలకు ప్రేక్షకుల నుంచి వచ్చే రెస్పాన్స్ బట్టి సినిమా ఓపెనింగ్స్‌ ప్రభావితం అవుతున్నాయి. అందుకే వీలైనంత గ్రాండ్‌గా ఆడియో వేడుకలు నిర్వహిస్తున్నారు. ఇక స్టార్ హీరోల సినిమాల ఆడియో వేడుకల సందడి అంతా ఇంతా కాదు.

మెగా పవర్ స్టార్ రామ్ చరణ్ తేజ్ నటించిన బాలీవుడ్ మూవీ 'జంజీర్' తెలుగులో 'తుఫాన్' పేరుతో విడుదల చేస్తున్నారు. 'తుఫాన్' ఆడియో వేడుక ఈ రోజు శిల్పకళా వేదికలో గ్రాండ్‌‌గా నిర్వహించేందుకు ఏర్పాట్లు చేసారు. అయితే ఈ వేడుకకు హీరోయిన్ ప్రియాంక చోప్రా హాజరు కావడం లేదు.

<blockquote class="twitter-tweet blockquote"><p><a href="https://twitter.com/search?q=%23Toofan&src=hash">#Toofan</a> music release Tom in Hydrabad..Can't b thr as I'm promoting <a href="https://twitter.com/search?q=%23Zanjeer&src=hash">#Zanjeer</a> in mumbai.Will miss all d excitement but good luck team!miss me</p>— PRIYANKA (@priyankachopra) <a href="https://twitter.com/priyankachopra/statuses/372018035759915008">August 26, 2013</a></blockquote> <script async src="//platform.twitter.com/widgets.js" charset="utf-8"></script>

హిందీ వెర్షన్ 'జంజీర్' కోసం ముంబైలో నిర్వహిస్తున్న ప్రమోషన్ కార్యక్రమాల్లో బిజీగా ఉండటం వల్ల 'తుఫాన్' ఆడియో వేడుకకు హాజరు కాలేక పోతున్నాను అంటూ ప్రియాంక చోప్రా తన ట్విట్టర్లో పేర్కొంది. ప్రియాంక గైర్హాజరు వల్ల ఆడియో వేడుక కళ తప్పనుందనే అభిప్రాయం వ్యక్తం అవుతోంది.

రిలయన్స్ ఎంటర్టెన్మెంట్స్, అడాయ్ మెహ్రా ప్రొడక్షన్స్, మరియు ఫ్లయింగ్ టర్టిల్ ఫిల్మ్ సంయుక్తంగా ఈ భారీ బడ్జెట్ చిత్రాన్ని నిర్మించారు. బాలీవుడ్ హీరోల ఫేవరెట్ దర్శకుడు అపూర్వ లఖియా ఈచిత్రానికి దర్శకత్వం వహించారు. ప్రియాంక చోప్రా హీరోయిన్. శ్రీహరి ఇందులో ముఖ్య పాత్ర పోషించారు. ప్రకాష్ రాజ్ క్యారెక్టర్ సినిమాకు హైలెట్ కానుంది. హిందీలో సంజయ్ దత్ పోషించిన పాత్రను తెలుగులో శ్రీహరి పోషించారు.