హోమ్

న్యూస్

అలనాటి మేటి నటి, తెలుగు సినీ అభిమానుల ఆరాధ్య దేవత సావిత్రి జీవితకథతో తెరకెక్కుతున్న సినిమా 'మహానటి'. యువ దర్శకుడు నాగ్ అశ్విన్ ఈ సినిమాకు దర్శకత్వం వహిస్తున్నాడు. వైజయంతి మూవీస్ బ్యానర్ లో అస్వినిదత్ ఈ సినిమాను ప్రతిస్టాత్మకంగా నిర్మిస్తున్నాడు.ఇందులో ప్రధాన పాత్రను కీర్తి సురేష్ పోషించగా, దుల్కర్ జెమినీ గణేశన్ పాత్రలో కనిపించబోతున్నాడు.

సమంత, విజయ్ దేవరకొండలు జర్నలిస్టుల పాత్రల్లో కనిపించబోతున్న ఈ సినిమా టీజర్ ఇటీవల విడుదలై పాపులర్ అయ్యింది. సావిత్రి సినిమాలు చుసిన ప్రేక్షకులు సావిత్రిని మరోసారి స్క్రీన్ మీద చూడాలని కుతూహలంగా ఉన్నారు. ఆమె గురించి తెలియనివారు తన గురించి తెలుసుకోవాలని ఉన్నారు.

ఈ సినిమా గురించి నిర్మాత ప్రియాంక దత్ మాట్లాడుతూ... సావిత్రిగారి స్టార్ డమ్ తో పాటు ఆమెలోపని మానవీయ కోణాన్ని ఈ సినిమాలో అందంగా చూపించడం జరిగిందని చెప్పారు. సావిత్రి గురించి రీసెర్చ్ చేసేప్పుడు సావిత్రిగారి కుటుంబ సభ్యులు, సహా నటులు సన్నిహితులు తెలిపిన పలు సంఘటనల ఆధారంగా సావిత్రి ఎంత గొప్పవారో చూపే ప్రయత్నం చేశామని ఆమె అన్నారు.