For Quick Alerts
    ALLOW NOTIFICATIONS  
    For Daily Alerts

    ‘గబ్బర్‌సింగ్’రికార్డులు బ్రద్దలు కొడతాం

    By Srikanya
    |

    హైదరాబాద్ : పవన్‌ కళ్యాణ్ హీరోగా పూరి జగన్నాథ్ దర్శకత్వంలో యూనివర్సల్ మీడియా పతాకంపై డి.వి.వి. దానయ్య నిర్మిస్తున్న చిత్రం 'కెమెరామేన్ గంగతో రాంబాబు'. టాకీ పూర్తి చేసుకున్న ఈ చిత్రం ప్రస్తుతం పాటల చిత్రీకరణ జరుపుకుంటోంది. పద్మాలయాలో వేసిన సెట్ లో ఈ పాటను బారీగా షూట్ చేస్తున్నారు. ఈ సందర్బంగా పకడ్బందీ స్క్రిప్ట్‌తో, చక్కని జడ్జిమెంట్‌తో జనరంజకంగా పూరిజగన్నాథ్ ఈ సినిమాను తెరకెక్కిస్తున్నారని గురువారం నిర్మాత డీవీవీదానయ్య తెలిపారు.

    డీవీవీదానయ్య మాట్లాడుతూ...''ఈ ఏడాది ప్రథమార్ధంలో 'గబ్బర్‌సింగ్'గా పవన్‌కళ్యాణ్ రికార్డులు సృష్టించారు. ద్వితీయార్ధంలో రాబోతున్న ఈ చిత్రంతో ఆ రికార్డులన్నింటినీ ఆయనే అధిగమిస్తారని నమ్మకంగా చెప్పగలను. ప్రస్తుతం పద్మాలయా స్టూడియోలో వేసిన భారీ సెట్‌లో పాట చిత్రీకరణ జరుగుతోంది. మిగిలివున్న రెండు పాటలను ఈ నెల 20 లోపు పూర్తి చేస్తాం. దీంతో షూటింగ్ పూర్తవుతుంది. మణిశర్మ స్వరాలందించిన ఈ చిత్రం పాటలను ఈ నెల మూడోవారంలో విడుదల చేసి, అక్టోబర్ 11న సినిమాను విడుదల చేస్తాం'' అన్నారు.

    తమన్నా హీరోయిన్ గా నటిస్తున్న ఈ చిత్రం ఆడియోని మొదట ఈ నెల 21న విడుదల చేయాలని నిర్ణయించిన సంగతి తెలిసిందే. అయితే కొన్ని టెక్నికల్ కారణాల వలన ఈ తేదీని కొంచెం ముందుకు జరిపి అంటే ఈ నెల 24న విడుదల చేయటానికి నిర్ణయించినట్లు సమాచారం. గెస్ట్ గా అనుకున్న చిరంజీవి ఆ రోజు బిజీగా ఉండటంతో చివరి నిముషంలో ఈ మార్పు చేయాల్సి వచ్చిందని తెలుస్తోంది. ఈ చిత్రానికి మణిశర్మ సంగీతం అందిస్తున్నారు. ఈ చిత్రం ఆడియో ని గ్రాండ్ జరపాలని నిర్మాతలు ప్లాన్ చేస్తున్న సంగతి తెలిసిందే. ఈ ఆడియో ఫంక్షన్ కి పవన్ అన్నగారైన చిరంజీవి ఛీప్ గెస్ట్ గా రానున్నారు. గబ్బర్ సింగ్ తర్వతా అన్నదమ్ములు ఇద్దరు మళ్లీ ఒకే స్టేజిపై కనపడనున్నారు.

    ఈ చిత్రం మీడియాపై పూర్తి స్ధాయి సెటైర్ గా ఉండబోతోందని చెప్తున్నారు. ఈ చిత్రంలో గేబ్రియేల్, కోట శ్రీనివాసరావు, ప్రకాష్‌రాజ్, తనికెళ్ల భరణి, బ్రహ్మానందం, అలీ, ధర్మవరపు సుబ్రహ్మణ్యం, ఎమ్మెస్ నారాయణ తదితరులు ఇతర పాత్రధారులు. ఈ చిత్రానికి కెమెరా: శ్యామ్ కె.నాయుడు, ఎడిటింగ్: ఎస్.ఆర్.శేఖర్, సమర్పణ: సూర్యదేవర రాధాకృష్ణ, నిర్మాణం: యూనివర్సల్ మీడియా.

    English summary
    ameraman Ganga Tho Rambabu is an upcoming Telugu film written and directed by Puri Jagannath. The film stars Pawan Kalyan and Tamannaah in lead role. The audio of the film is set to release on September 24, 2012. Baba Sehgal penned and composed a song for this film, as an exclusive tribute to Pawan Kalyan.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X