అల్లు అర్జున్ చిత్రంపై కాంట్రావర్శి

By Staff

Published: Tuesday, April 28, 2009, 17:06 [IST]

అల్లు అర్జున్ హీరోగా సినిమా చేయబోతున్నానంటూ తమిళ టాప్ డైరక్టర్ విష్ణు వర్ధన్ చెన్నైలో మీడియాతో చెప్పారు. అంతేగాక ఆ చిత్రాన్ని ప్రముఖ దర్శకుడు డి.వి.వి దానయ్య ప్రొడ్యూస్ చేయబోతున్నారు..జూలైలో షూటింగ్ ప్రారంభం కానుంది అంటూ వార్తలు వచ్చాయి. అయితే ఈ విషయాలను డి.వి.వి.దానయ్య ఖండిస్తున్నారు. ఆయన ఈ విషయంపై మాట్లాడుతూ..నేను ప్రస్తుతం అల్లు అర్జున్ హీరోగా గుణశేఖర్ దర్సకత్వంలో సినిమా చేస్తున్నాను. ఇది ఫినిష్ కాకుండా మరొకటి ఎందుకు ప్రారంభిస్తాను..అదీ సేమ్ హీరోతో అంటూ ప్రశ్నించారు.

దాంతో విష్ణు వర్ధన్ చెప్పే దానిలో నిజమెంత అనే సందేహం అందరికీ వస్తోంది. ఈ విషయంపై అల్లు అర్జున్ ఏమీ స్పందించలేదు. ఇక విష్ణు వర్ధన్ తమిళంలో భిల్లా, పట్టియల్ వంటి సూపర్ హిట్స్ ఇచ్చి ప్రస్తుతం సర్వమ్ చిత్రాన్ని డైరక్ట్ చేస్తున్నారు. అలాగే అల్లు అర్జున్ వరసగా ఆర్య-2, గుణశేఖర్ సినిమా అనంతరం వి.వి.వినాయిక్ దర్శకత్వంలో గీతా ఆర్ట్స్ నిర్మించే చిత్రానికి డేట్స్ కేటాయించారు. ఇక ఇవన్నీ ప్రక్కన పెడితే తమిళంలో పూర్తి స్లంప్ నడుస్తూండటంతో అక్కడ దర్శక,రచయితలు అంతా తెలుగు పరిశ్రమలో కథలు చెప్పుకుంటూ తిరుగుతున్నారు.

More from Filmibeat