నిర్మాత అదృశ్యం: మహేష్ వేధింపుల వల్లే అంటూ ప్రచారం!

By Bojja Kumar

| Published: Friday, July 11, 2014, 18:15 [IST]

హైదరాబాద్: తెలుగు సినిమా పరిశ్రమకు చెందిన ఓ దర్శక నిర్మాత అదృశ్యం అయ్యాడనే వార్త ఫిలింనగర్‌లో కలకలం సృష్టిస్తోంది. పూర్ణ రాజు అనే దర్శక నిర్మాత అదృశ్యం అయినట్లు వార్తలు వినిపిస్తున్నాయి. పూర్ణ రాజు గత కొంత కాలంగా బంజారాహిల్స్‌లో నివాసం ఉంటున్నట్లు తెలుస్తోంది.

డైరెక్టర్ మహేష్ వేధింపులు భరించలేక ఆత్మహత్య చేసుకుంటున్నట్లు లేఖ రాసి నిర్మాత పూర్ణ రాజు కనిపించకుండా పోయారనే ప్రచారం సాగుతోంది. దీంతో బంజారాహిల్స్ పీఎస్ ఎదుట పూర్ణరాజు బంధువులు ఆందోళనకు దిగారు. పూర్ణ రాజు బంధువులతో ప్రముఖ నిర్మాతలు, దర్శకులు రాజీకి యత్నిస్తున్నట్లు తెలుస్తోంది.

ఈ సంఘటనకు సంబంధించిన పూర్తి వివరాలు తెలియాల్సి ఉంది. పోలీసులు ఈ సమస్యను పరిష్కరించేందుకు ప్రయత్నాలు చేస్తున్నారు. మీడియా ద్వారా ఈ వార్త వ్యాపించడంతో......ఫిల్మ్ నగర్లో ఎక్కడ చూసినా ఇదే చర్చ సాగుతోంది. ఈ రోజు సాయంత్రం లేదా, రేపటికల్లా అసలు విషయం తేలనుంది.