Don't Miss!
- News మీనరాశిలో బుధుడు ప్రత్యక్షం: ఈ రాశులవారి కెరీర్ ప్రమాదంలో.. జాగ్రత్త!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అవును...మోక్షజ్ఞని హీరోగా పరిచయం చేయాలనే
హైదరాబాద్ : బాలకృష్ణ గారు నాకు ఇష్టమైన వ్యక్తి. వాళ్లబ్బాయి మోక్షజ్ఞని హీరోగా పరిచయం చేయాలనేది నా కోరిక. అందుకోసం 'రానే వచ్చాడయ్యా ఆ రామయ్యా' అన్న టైటిల్ నమోదు చేశాను కూడా. మిగతా విషయాలు బాలయ్యే చెబుతారు. టీవీలో పాటల్ని బాగా వింటాను. అందులో సినిమా టైటిల్స్గా పెట్టుకునే మాటలు వస్తాయేమోనని పరిశీలిస్తాను. 'సీతమ్మ వాకిట్లో సిరిమల్లె చెట్టు'లోని పాట నుంచి తీసుకున్నదే 'రానే వచ్చాడయ్యా ఆ రామయ్యా' అన్నారు ప్రముఖ నిర్మాత సాయి కొర్రపాటి.
ఇక బాలకృష్ణ గురించి చెప్తూ... ఆయనతో లెజెండ్ సినిమా చేయకముందు... ఆయనకు చాలా కోపమంట, ఆయన అలా అంట ఇలా అంట... అని ఏవేవో విన్నాను. ఆయనతో 160 రోజులు కలిసి పనిచేసిన తర్వాత నాకు అర్థమైందేంటంటే... ఆయన అబద్ధం ఆడరు, ఒకర్ని మోసం చెయ్యరు. ఈ రెండూ చేసేవారిని దగ్గరకి చేరనివ్వరు. నేను తీసే ప్రతి సినిమానీ ఆ కుటుంబం చూస్తుంది అన్నారు.
తను సినిమాలు ఓకే చేసే విధానం గురించి చెప్తూ....ఇంటర్నెట్, ఈమెయిల్ గురించి నాకు తెలియదు. కానీ సినిమా గురించి తెలుసు. డిస్ట్రిబ్యూటర్గా ఉన్నపుడు నేల క్లాసుకు వెళ్లి సినిమా చూసేవాణ్ని. అలా జనాల నాడి కొంత తెలుసుకోగలిగాను. కథ ఎంచుకునే ముందు అది వెరైటీగా ఉందా అని చూస్తాను.
ఒకవేళ రొటీన్గానే ఉంటే, అందులో మాస్, ఫ్యామిలీ ఎలిమెంట్స్్ ఉన్నాయో లేదో చూస్తాను. అంతమాత్రానికే విజయం దక్కుతుందని కాదు. నాకన్నా డబ్బు ఉన్నవాళ్లూ, టేస్ట్ ఉన్నవాళ్లూ చాలామంది ఉన్నారు. కానీ వీటితోపాటు అదృష్టమూ ఉండాలి. లేకపోతే ఈ ఏడాది మా బ్యానర్లో 'లెజెండ్', 'వూహలు గుసగుసలాడే', 'దిక్కులు చూడకు రామయ్యా'... ఇలా మూడు హిట్లు దొరుకుతాయా అని తేల్చి చెప్పారు.