నాకు ఎగ్గొట్టినంత డబ్బు ఇండస్ట్రీలో ఎవరికి ఎగ్గొట్టలేదు.. కోపం వస్తే అదే చేస్తా: నిర్మాత సురేష్ బాబు

కొత్తవారికి కూడా అవకాశాలు

కేవలం నిర్మాతగానే కాకుండా ఇండస్ట్రీ పెద్దగా మంచి చెడ్డలో తోడుగా ఉండే అతికొద్ది మందిలో సురేష్ బాబు ఒకరు. నిర్మాత డి. రామానాయుడు వారసుడిగా ఎంట్రీ ఇచ్చినప్పటికీ తనకంటూ ఒక ప్రత్యేకమైన గుర్తింపు అందుకున్నారు. ఇక కొత్తవారికి కూడా అవకాశాలు ఎక్కువగా ఇస్తుంటారు. యువతకు కూడా చాలా బాగా సపోర్ట్ చేస్తుంటారు.

టికెట్ల రేట్లు.. మహా దారుణంగా

ఇక ప్రస్తుతం ఇండస్ట్రీలో టికెట్ల రేట్ల విషయంలో కూడా ఆయన అందరి తరపున రెండు రాష్ట్ర ప్రభుత్వాలతో కలిసి మాట్లాడుతున్నారు. ముఖ్యంగా ఆంధ్రప్రదేశ్ లో టికెట్ రేట్లు మరీ దారుణంగా ఉన్నాయని ఒక మీడియం రేంజ్ ధరలను కేటాయించాలని ఇప్పటికే దరఖాస్తు చేసుకున్నట్లు వివరణ ఇచ్చారు.

Recommended Video

Producer Kalaipuli S Dhanu About Narappa Movie | Filmibeat Telugu

చాలామంది డబ్బులు ఇవ్వాలి

ఇక నిర్మాత సురేష్ బాబు ప్రతి రూపాయి విషయంలో చాలా కఠినంగా ఉంటారని చాలా కామెంట్స్ వస్తుంటాయి. ఇక ఆ విషయంపై స్పందించిన ఆయన ఇండస్ట్రీలో చాలామంది తనకు డబ్బులు ఇవ్వాలని కాస్త అసహనంగానే చెప్పేశారు. సినిమాలు నిర్మిస్తామని, డిస్ట్రిబ్యూషన్ కోసమని, పర్సనల్ ఫైనాన్స్ కోసమని మరికొందరు ఇలా తన వద్ద చాలా డబ్బు తీసుకున్నట్లు చెప్పారు.

నాకు కోపం వచ్చేది అందుకే

ఇండస్ట్రీలో ప్రముఖులు కూడా ఆ లిస్టులో ఉన్నట్లు తెలిపారు. ఇక కోపం వచ్చింది అంటే లిస్టు మొత్తం బయటపెడతానని కూడా అన్నారు. అయితే ఎప్పుడు కూడా తాను ఎవరిని ఇబ్బంది పెట్టలేదని అంటూ.. డబ్బు తీసుకున్న ప్రతి ఒక్కరి డాక్యుమెంటేషన్ తన వద్ద ఉందని అన్నారు.

ఇక తీసుకున్నవాళ్ళు నష్టాల్లో ఉంటే నేను అడగను. అడిగినా కూడా ఉపయోగం లేదు. కానీ డబ్బు ఉండి కూడా అప్పు తిరిగి ఇవ్వకపోతే నాకు కోపం వస్తుంది.. అని సురేష్ బాబు తెలియజేశారు.