నా పెళ్లికి కారణం ఎన్టీఆర్​.. మేకప్​ కూడా తీయకుండా వచ్చి.. నిర్మాత స్వప్న దత్​ ఆసక్తికర కామెంట్స్​

నందమూరి ఫ్యామిలీతో..

ఇందులో బిగ్​బీ అమితాబ్​ బచ్చన్​ కూడా ఓ కీలక పాత్ర పోషిస్తున్న విషయం తెలిసిందే. అయితే అగ్ర నిర్మాత అయిన అశ్వనీదత్​కు నందమూరి కుటుంబానిక చక్కని అనుబంధం ఉందని చెప్పుకుంటారు.

బ్యానర్​లో ఎన్టీఆర్​ ఫొటో..

అశ్వనీ దత్​ వైజయంతీ మూవీస్​ బ్యానర్​లో సీనియర్​ ఎన్టీఆర్​ ఫొటో ఉంటుందన్న విషయం తెలిసిందే. ఇక జూనియర్ ఎన్టీఆర్​తో సైతం స్టూడెంట్ నెంబర్​ 1, కంత్రి, శక్తి వంటి చిత్రాలను నిర్మించారు అశ్వనీ దత్​.

చాలా క్లోజ్​..

సినిమాల సంగతి పక్కన పెడితే రియల్​ లైఫ్​లో అశ్వనీ దత్ కుటుంబానికి తారక్​ చాలా సాన్నిహిత్యంగా ఉంటాడట. అయితే అశ్వనీ దత్​ రెండో కుమార్తె స్వప్న దత్​ పెళ్లికి ఎన్టీఆర్​ సహాయం చేశాడట. ఈ విషయాన్ని ఇటీవల ఓ ఇంటర్వ్యూలో స్వయంగా స్పప్న దత్​ తెలిపింది.

గ్యాప్​ తీసుకుందామనుకున్నా..

'మీ పెళ్లి జరగడంలో ఎన్టీఆర్​ పాత్ర ఉందట కదా' అని యాంకర్​ అడిగిన ప్రశ్నకు ''అవును. నా ప్రేమ వర్కౌట్​ అవదులే. కొంచెం గ్యాప్​ తీసుకుందాం అని నేను అనుకుంటున్న సమయంలో తారక్​ వచ్చి నాన్న గారితో మాట్లాడి ఒప్పించాడు.

మేకప్​ తీయకుండా వచ్చి మరీ..

'ఇలాంటి విషయాల్లో ఎక్కువ ఆలస్యం చేయకూడదు నేను వచ్చి మాట్లాడతాను' అని సినిమా షూటింగ్ మధ్యలోనే మేకప్​ కూడా తీయకుండా వచ్చి మా నాన్నతో మాట్లాడాడు. నా జీవితంలో ఎన్టీఆర్​ చాలా ఇంపార్టెంట్ రోల్​ ప్లే చేశాడు.

2010లో వివాహం..

తనను కానీ, తను సహాయాన్ని కానీ అస్సలు మర్చిపోలేను. మా బ్యానర్​లో ఎన్టీఆర్​ సినిమా చేసిన, చేయకున్నా నాతో క్లోజ్​గా ఉంటాడు' అని తెలిపింది. కాగా ప్రసాద్ వర్మ అనే వ్యక్తిని స్వప్న దత్ ప్రేమించి 2010 డిసెంబర్​ 19న వివాహం చేసుకుంది. ఈ దంపతులకు నవ్య జయంతి అనే కుమార్తె కూడా ఉంది. ​