‘అరవింద సమేత’పై ఆందోళన: ఆసీన్లు తీసేయాలి, త్రివిక్రమ్ క్షమాపణలు చెప్పాలి!

మాపై ఎందుకింత కక్ష?

రాయలసీమ ప్రాంతంపై తెలుగు సినీ పరిశ్రమ కక్ష గట్టిందని, అందుకే మా ప్రాంతాన్ని టార్గెట్ చేస్తూ సినిమాలు తీస్తున్నారని, వినోదం పేరుతో మా ప్రాంతాన్ని, ఇక్కడి ప్రజలను చాలా దారుణంగా సినిమాల్లో ఫోకస్ చేస్తున్నారని రాయలసీమకు చెందిన నాయకులు ఆరోపించారు.

త్రివిక్రమ్ మళ్లీ రెచ్చగొట్టాడు

రాయలసీమలో కనుమరుగైన ఫ్యాక్షనిజాన్ని దర్శకుడు త్రివిక్రమ్ ‘అరవింద సమేత' సినిమా ద్వారా మళ్లీ రెచ్చగొట్టే ప్రయత్నం చేశారని విద్యార్థి సంఘాల నేతలు మండి పడ్డారు. ఈ సినిమా వల్ల సీమలో మళ్లీ ఫ్యాక్షన్ గొడవలు మొదలయ్యే అవకాశం లేక పోలేదని ఆందోళన వ్యక్తం చేశారు.

ఆ సీన్లను, డైలాగులు తొలగించాలి

‘అరవింద సమేత' చిత్రంలో కొన్ని సన్నివేశాలు, మాటలు అభ్యంతరకంగా ఉన్నాయని, యువతరంపై తీవ్ర ప్రభావాన్ని చూపించేలా ఉన్నాయని... వాటిని వెంటనే సినిమా నుంచి తొలగించాలని డిమాండ్ చేశారు.

త్రివిక్రమ్ క్షమాపణలు చెప్పాలి

రాయలసీమలో ఫ్యాక్షన్ రెచ్చగొట్టే విధంగా సినిమా తీసిన దర్శకుడు త్రివిక్రమ్ వెంటనే క్షమాపణలు చెప్పాలి, అందులోని అభ్యంతరకంగా ఉన్న సన్నివేశాలు తొలగించాలని... లేకుంటే ఆందోళన తీవ్రతరం చేస్తామని హెచ్చరించారు.