Don't Miss!
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- News పొన్నూరు వైసీపీ అభ్యర్థి అంబటి మురళీపై చర్యలకు ఈసీ ఆదేశం
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
‘అరవింద సమేత’పై ఆందోళన: ఆసీన్లు తీసేయాలి, త్రివిక్రమ్ క్షమాపణలు చెప్పాలి!
Recommended Video
ఎన్టీఆర్ హీరోగా త్రివిక్రమ్ శ్రీనివాస్ దర్శకత్వంలో తెరకెక్కిన 'అరవింద సమేత' సినిమా ఓ వైపు బాక్సాఫీసు వద్ద విజయఢంకా మ్రోగిస్తూ భారీ వసూళ్లతో దూసుకెళుతుంటే... మరో వైపు ఈ సినిమాకు వ్యతిరేకంగా ఆందోళన కార్యక్రమాలు మొదలయ్యాయి.
త్రివిక్రమ్ నా మీద తోయడం తప్పు, విషాదం నిండిన మా ఇంట్లో నవ్వు రేఖ: ఎన్టీఆర్ సెన్సేషనల్ స్పీచ్
రాయలసీమ ఫ్యాక్షన్ బ్యాగ్రౌండ్ నేపథ్యంతో తెరకెక్కిన ఈ సినిమాపై... రాయలసీమకు చెందిన ప్రజా సంఘాలు, విద్యార్థి సంఘాలు ఆందోళన మొదలు పెట్టాయి. ఈ సినిమాలో చూపిన కొన్ని సీన్లు అభ్యంతరకరంగా ఉన్నాయని, వెంటనే వాటిని తొలగించాలని డిమాండ్ చేస్తూ రాయలసీమ విద్యార్థి పోరాట సమితి ఆధ్వర్యంలోని హైదరాబాద్లోని ప్రెస్ క్లబ్లో పాత్రికేయుల సమావేశం ఏర్పాటు చేశారు.
మాపై ఎందుకింత కక్ష?
రాయలసీమ ప్రాంతంపై తెలుగు సినీ పరిశ్రమ కక్ష గట్టిందని, అందుకే మా ప్రాంతాన్ని టార్గెట్ చేస్తూ సినిమాలు తీస్తున్నారని, వినోదం పేరుతో మా ప్రాంతాన్ని, ఇక్కడి ప్రజలను చాలా దారుణంగా సినిమాల్లో ఫోకస్ చేస్తున్నారని రాయలసీమకు చెందిన నాయకులు ఆరోపించారు.
త్రివిక్రమ్ మళ్లీ రెచ్చగొట్టాడు
రాయలసీమలో కనుమరుగైన ఫ్యాక్షనిజాన్ని దర్శకుడు త్రివిక్రమ్ ‘అరవింద సమేత' సినిమా ద్వారా మళ్లీ రెచ్చగొట్టే ప్రయత్నం చేశారని విద్యార్థి సంఘాల నేతలు మండి పడ్డారు. ఈ సినిమా వల్ల సీమలో మళ్లీ ఫ్యాక్షన్ గొడవలు మొదలయ్యే అవకాశం లేక పోలేదని ఆందోళన వ్యక్తం చేశారు.
ఆ సీన్లను, డైలాగులు తొలగించాలి
‘అరవింద సమేత' చిత్రంలో కొన్ని సన్నివేశాలు, మాటలు అభ్యంతరకంగా ఉన్నాయని, యువతరంపై తీవ్ర ప్రభావాన్ని చూపించేలా ఉన్నాయని... వాటిని వెంటనే సినిమా నుంచి తొలగించాలని డిమాండ్ చేశారు.
త్రివిక్రమ్ క్షమాపణలు చెప్పాలి
రాయలసీమలో ఫ్యాక్షన్ రెచ్చగొట్టే విధంగా సినిమా తీసిన దర్శకుడు త్రివిక్రమ్ వెంటనే క్షమాపణలు చెప్పాలి, అందులోని అభ్యంతరకంగా ఉన్న సన్నివేశాలు తొలగించాలని... లేకుంటే ఆందోళన తీవ్రతరం చేస్తామని హెచ్చరించారు.