పీఆర్పీ టిక్కెట్టుకీ చరణ్ సినిమాకీ ముడి

By Staff

Published: Saturday, January 24, 2009, 9:53 [IST]

రామ్ చరణ్ తేజ,ఎస్.ఎస్.రాజమౌళి కాంబినేషన్ సినిమాకి ఎన్నడూ లేనంత క్రేజ్ ట్రేడ్ లో ఏర్పడిందని సమాచారం. ముఖ్యంగా చిరంజీవి ప్రజారాజ్యం టిక్కెట్ ఆశిస్తున్న వారంతా ఈ చిత్రం డిస్ట్రిబ్యూషన్ రైట్స్ కై పోటి పడుతున్నట్లు తెలుస్తోంది. అందులోనూ సినిమాల నుంచి రిటైరై రాజకీయాల్లో బిజీగా ఉన్న చిరంజీవి ఈ చిత్రంలో బంగారు కోడి పెట్ట అనే పాటలో తన కొడుకుతో పాటు నృత్యం చేస్తూ కన్పించటం వారిని విపరీతంగా ఆకర్షిస్తోంది. అందులోనూ మాస్ ఎంటర్ టైనర్స్ రూపొందించటంలో నిపుణత సాధించిన రాజమౌళి ప్రత్యేక శ్రధ్దతో ఈ చిత్రాన్ని తయారు చేయటం,పునర్జన్మ కాన్సెప్టు కథ కావటం వారి పెట్టుబడికి గ్యారింటీ అనిపిస్తున్న అంశాలు.

ఇప్పటికే కొంతమంది ప్రజారాజ్యంకు దగ్గరవ్వాలనుకున్న వారు నాగేంద్రబాబు పై పెట్టుబడులు పెట్టి వరస సినిమాలు తీస్తూండటం తెలిసిందే. అదే కోవలో రామ్ చరణ్ తేజ సినిమా కొనటం ద్వారా లబ్ది పొందాలని ప్రయత్నిస్తున్నట్లు పార్టీలో ఒక వర్గం గుసగుసలాడుతోంది. ఇక గజనీ హిట్ తో మంచి ఊపుమీదన్న అల్లు అరవింద్ ఈ క్రేజ్ ని ఎంతవరకూ క్యాష్ చేసుకుంటారనేది త్వరలో తేలనుంది. ఇక ప్రస్తుతం ఈ సినిమా షూటింగ్ ఫిల్మ్ సిటీలో వేసిన ప్రత్యేకమైన సెట్ లో షూటింగ్ జరుపుకుంటోంది. కాజల్ ప్రధాన పాత్రలో చేసిన ఈ చిత్రం సమ్మర్ కి రిలీజ్ కి ప్లాన్ చేస్తున్నారు. ఎమ్.ఎమ్.కీరవాణి ఈ చిత్రానికి సంగీతం అందిస్తున్నారు.

More from Filmibeat