ఎన్టీఆర్, నాని, నాగార్జున.. ఇంతకీ అసలైన బిగ్‌బాస్ ఎవరు? జనం టాక్ ఎలా ఉందంటే..

ముచ్చటగా మూడు సీజన్లు.. సందడే సందడి

బుల్లితెర ఆడియన్స్‌కి కొత్త టేస్ట్ పరిచయం చేసింది బిగ్ బాస్ షో. తెలుగుతో పాటు హిందీ, తమిళంలో ప్రసారమవుతున్న ఈ రియాలిటీ షో చిన్ని తెరలపై తెగ సందడి చేస్తోంది. హిందీలో సల్మాన్, తమిళంలో కమల్ హాసన్ వరుస సీజన్లకు 'బిగ్ బాస్' హోస్ట్ చేస్తూ వస్తున్నారు. కానీ తెలుగు మాత్రం ముచ్చటగా మూడో హోస్ట్ రంగంలోకి దిగడం గమనించాం.

ఎన్టీఆర్, నాని, నాగార్జున.. ఇక్కడే మొదలైంది చర్చ

తెలుగు బిగ్ బాస్ హోస్ట్ ఏటా మారుతూ వస్తుండటం పలు చర్చలకు దారి తీస్తోంది. 'బిగ్ బాస్ 1' హోస్ట్‌గా ఎన్టీఆర్ అదరగోటేశాడు. ఆ తరువాత బిగ్ బాస్ 2 బాధ్యతలకు భుజాన వేసుకున్నాడు నాచురల్ స్టార్ నాని. ఇక మూడో సీజన్ వచ్చేసరికి ఏకంగా సీనియర్ హీరో నాగార్జున రంగంలోకి దిగారు. దీంతో ఈ ముగ్గురిలో ఎవరు బెస్ట్ అనే దానిపై చర్చలు ముదిరాయి.

ఎన్టీఆర్ చేసిన మ్యాజిక్.. ఆయనొక్కరే..

ఇప్పటి దాకా బిగ్ బాస్ అనిపించుకున్న ముగ్గురు స్టార్ హీరోల్లో ఎవరు బెస్ట్? అంటే చాలా మంది ఎన్టీఆరే సూపర్బ్ అంటున్నారు. నాని, నాగార్జున 'బిగ్ బాస్'లుగా తమకు సాధ్యమైనంత ఎంటర్‌టైన్ చేసినప్పటికీ ఎన్టీఆర్ చేసిన మ్యాజిక్ తర్వాతి రెండు సీజన్స్‌లో కనిపించలేదని అంటున్నారు. పైగా ఎలాంటి విమర్శలకు తావివ్వకుండా బిగ్ బాస్ హ్యాండిల్ చేసింది కేవలం ఎన్టీఆర్ మాత్రమే అంటున్నారు జనం.

Recommended Video

Bigg Boss Telugu 3 : Sreemukhi Stands As Runner Up & Clicks Selfie With Chiranjeevi

నాగార్జున సైతం ఎన్టీఆర్‌లా.. జనాల్లో టాక్

'బిగ్ బాస్ 2' హోస్ట్‌గా చేసిన నాచురల్ స్టార్ నాని.. షోలో పాల్గొన్న కంటెస్టెంట్స్ పట్ల పక్షపాతం చూపాడని అప్పట్లో ట్రోల్స్ నడిచిన సంగతి తెలిసిందే. ఇక మూడో సీజన్ హోస్ట్ చేసిన నాగార్జున కూడా విమర్శలు ఎదుర్కోక తప్పలేదు. పైగా బిగ్ బాస్ గా నాగార్జున సైతం ఎన్టీఆర్‌లా ఆకట్టుకోలేక పోయాడనే టాక్ జనాల్లో వినిపిస్తోంది.

అప్పుడే మరో హోస్ట్‌పై ఊహాగానాలు

ఇక బిగ్ బాస్ సీజన్ 3 ముగింపుకు ముహూర్తం కుదరడంతో నెక్స్ట్ సీజన్ హోస్ట్ ఎవరనే దానిపై కూడా చర్చలు మొదలయ్యాయి. ఈ సారి బిగ్ బాస్ 4 హోస్ట్ బాధ్యతలు చిరంజీవికి అప్పజెబితే బెటర్ అని అంటున్నారు ఆడియన్స్.