సినిమా రివ్యూలు చదవొద్దు

By Staff

Published: Wednesday, December 17, 2008, 11:12 [IST]

తెలుగు సినిమా రివ్యూలు చదవకండి అనే సందేశంతో ముందుకొస్తున్నాను అంటున్నారు పూరీ జగన్నాధ్. రేపు రిలీజ్ కానున్న నేనింతే సినిమా రిలీజ్ ని పురస్కరించుకుని ఆయన మీడియాకి ఇచ్చిన ఇంటర్వూలలో ఈ విషయాన్ని ప్రత్యేకంగా ప్రస్తావించారు. కొన్ని కోట్ల రూపాయిలతో మేము సినిమా తీస్తే జస్ట్ ఒక రివ్యూ రూపంలో జర్నలిస్టు చీల్చి చెండాడితే దాని వలన పరిశ్రమకు ఎంతో నష్టం కలుగుతోంది.

సినిమా చూసి బావుందో,లేదో చూసి ప్రేక్షకులు తెలుసుకోవాలి. అంతేగాని ఎవరో రాసిన రివ్యూ చదివి డెసిషన్ కి రావటం తప్పు . దాంతో సినిమా చూడకుండా ఆగటం మరీ తప్పు. ఇది ముఖ్యంగా ఇంటర్నెట్ మీద ఆధారపడే ప్రేక్షకులు,అందులో ముఖ్యంగా ఫారిన్ ఆడియన్స్ ని దృష్టిలో పెట్టుకుని సినిమాలో చూపించాం. అలాగే ఓ పాపులర్ వార పత్రిక(స్వాతి) మీద కూడా కామెంట్స్ వేసాను..ఎంజాయ్ చేయండి అంటున్నారు.స్వాతి లో కూడా సినిమా రివ్యులు నిష్పక్షి పాతంగా వస్తాయి.ఇక ఈ సినిమాలో స్వాతి అనే పేరుని మార్చి ముత్యం అనే పేరును సెన్సార్ వారి అనుమతితో పెట్టడం జరిగింది.

More from Filmibeat