ముమైత్ ఖాన్ కి మళ్ళీ పూరీ నే..

ముమైత్ ఖాన్ పూరీని బాగానే ఇంప్రెస్ చేసినట్లు కనపడుతోంది. నేనింతే సినిమాలో ఆమె ఓ కీలకమైన పాత్రలో కనిపించబోతోంది. నిజానికి ఆమె పోకిరి చిత్రంలోని ఇప్పటికింకా నా వయస్సు పాటతోనే క్లిక్ అయింది. వరస ఐటం సాంగ్స్ తో దూసుకుపోయింది. అంతే గాక వరసగా హీరోయిన్ ఓరియెంటెడ్ చిత్రాల్లో ఆమె బుక్కవటం ప్రారంభించింది. అయితే ఆమెకు పెద్ద దర్శకుల చిత్రాల్లో ఆఫర్స్ రాలేదు. వస్తే గిస్తే ఐటం సాంగ్స్ అంతే . అలాగే తర్వాత పూరి ఆమెను బుజ్జిగాడు లో ఐటం సాంగ్ మినహా ఎప్పుడూ ఎంకరేజ్ చెయ్యలేదు.

అయితే ఇప్పుడా పని చేస్తున్నాడు. ఆమె నటనాపరంగా బాగా ఇంప్రూవ్ అయింది కాబట్టి తన సినిమాల్లో ముఖ్య పాత్రలకు తీసుకోవచ్చు అని డిసైడ్ అయ్యాడుట. దాని ఫలితమే నేనింతే లో ఆమె రోల్ ట. ఇక ఈ సినిమాలో హీరోగా రవితేజ చేస్తూండగా హీరోయిన్ గా సియా అనే కొత్త అమ్మాయి పరిచయమవుతోంది. సినిమా ఫీల్డ్ బ్యాక్ డ్రాప్ లో నేనింతే రూపొందుతోంది. ఇందులో రవితేజ అసెస్టెంట్ డైరక్టర్ గా కనిపించనున్నాడు.ఇక ఈ చిత్రం పూరీ తన స్వీయ చరిత్ర అనే కథనం బయిట ప్రచారంలో ఉంది. ఇక ఈ విషయం ప్రక్కన పెడితే ఈ సినిమాతో ముమైత్ కూడా పెద్ద దర్శకుల చిత్రాల్లో కనపించే అవకాశం ఉంటుందని అందరూ అంటున్నారు.